«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ДУШАНБЕ, 07.02.2026 /АМИТ «Ховар»/. Терроризм ва экстремизм имрӯз ба хатари ҷиддии ҷаҳонӣ табдил ёфта, ба амнияти давлатҳо, сулҳу суботи ҷомеа ва ҳаёти осоиштаи мардум таҳдид менамоянд. Ин нукта зимни ифтитоҳи намоиши асарҳои рассомони ҷавон таҳти унвони «Ҷавонон-зидди терроризм» дар Осорхонаи миллии Тоҷикистон баён гардид.
АМИТ «Ховар» бо истинод ба Осорхонаи миллии Тоҷикистон иттилоъ медиҳад, ки намоиш бо ташаббуси Прокуратураи генералии Ҷумҳурии Тоҷикистон ва Вазорати фарҳанги Ҷумҳурии Тоҷикистон ташкил гардид.
Иброз гардид, ки пешгирии гаравидани ҷавонон ба гурӯҳҳои ифротгаро, боло бурдани маърифати ҳуқуқию сиёсӣ, фарҳангӣ ва ватандӯстии онҳо яке аз самтҳои афзалиятноки сиёсати давлатӣ мебошад. Инчунин оид ба нақши ҷавонон дар ҳифзи сулҳу субот ва истиқлолияти давлатӣ сухан гуфта шуд. Иштирокдорон афзуданд, ки Ҳукумати Ҷумҳурии Тоҷикистон дар даврони Истиқлоли давлатӣ заминаҳои устувори ҳуқуқӣ ва ташкилию ниҳодиро барои муқовимат бо терроризм ва экстремизм фароҳам оварда, якчанд қонун ва стратегияҳои муҳимро қабул ва татбиқ намуд.
Иштирокдорон намоиши асарҳои рассомони ҷавонро тамошо намуданд. Асарҳо бо забони санъат хатари терроризму экстремизм, пайомадҳои фоҷеабори он ва аҳамияти сулҳу ваҳдати миллиро инъикос менамоянд. Дар фарҷоми чорабинӣ муаллифони асарҳо — мусаввирони ҷавон барои саҳми арзанда дар тарғиби идеяҳои сулҳ, ватандӯстӣ ва худогоҳии миллӣ бо туҳфаҳо ва ҷойҳои ифтихорӣ сарфароз гардонида шуданд.
Намоиш то 14 феврал дар Осорхонаи миллӣ идома меёбад.
АКС: Осорхонаи миллии Тоҷикистон
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
