Дар Кумитаи ҳифзи муҳити зисти Тоҷикистон ҷашни Наврӯз бошукуҳ таҷлил карда шуд
ДУШАНБЕ, 23.03.2026 /АМИТ «Ховар»/. Ҷашни байналмилалии Наврӯз дар Кумитаи ҳифзи муҳити зисти назди Ҳукумати Ҷумҳурии Тоҷикистон бо шукуҳу шаҳомати хосса ва бо иштироки муовини Сарвазири Ҷумҳурии Тоҷикистон Сулаймон Зиёзода таҷлил гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки муовини Сарвазири мамлакат аз номи Ҳукумати Ҷумҳурии Тоҷикистон кормандони соҳаи ҳифзи муҳити зистро бо ҷашни Наврӯзи байналмилалӣ табрик намуда, Наврӯз ва мақому манзалати онро дар Тоҷикистони соҳибистиқлол
барои ҳифзи арзишҳои миллӣ муҳим арзёбӣ кард. Гуфта шуд, ки Наврӯз ҷашни табиат буда, назофату зебоӣ, нуру зиё, ростию хушахлоқиро таҷассум намудааст. Хусусан, ниҳолшинонию сабзазоркунӣ ба ҳукми анъана даромада, ба ин васила ҷодаҳо сарсабзу хуррам мегарданд, ки бозгӯи якдилию муттаҳидии мардумамон мебошад.
Иштирокдорони ҳамоиши ҷашнӣ ташаббусҳои Президенти Ҷумҳурии Тоҷикистон муҳтарам Эмомалӣ Раҳмонро ба хотири мақоми байналмилалӣ гирифтани ҷашни Наврӯз, муаррифии миллати тоҷик ва анъанаҳои неки ниёгонамон ба ҷаҳониён, қабул гардидани қатъномаҳои байналмилалӣ дар соҳаи обу экология, аз ҷумла пиряхҳо шоистаи таҳсин арзёбӣ намуданд.
Дар идомаи ҳамоиши ҷашнӣ тавассути монитор лавҳаҳо дар бораи суннатҳои неки наврӯзӣ манзури ҳозирин гардонида шуданд. Инчунин ба ғолибони бозиҳои шоҳмоту шашка, дастхобонӣ ва ороиши хони наврӯзӣ Сипоснома ва туҳфаҳои хотиравӣ тақдим гардид.
Иштирокдорони ҳамоиши ҷашнӣ ҳамзамон гӯшаҳои ҳунарҳои мардумӣ ва хони таомҳои миллиро бо ороиши ҳафтсину ҳафтшин тамошо намуда, ба ҳунари кадбонуҳо баҳои баланд доданд. Дар қисмати дигари ҳамоиши ҷашнӣ иштирокдорон бо шукргузорӣ аз файзи истиқлол ва сулҳу субот гирди хони наврӯзӣ ҷамъ омада, аҳли санъат бо суруду таронаҳои дилошӯб дар васфи Ватан, баҳору Наврӯз хотири ҳозиринро шод гардониданд.
Дар ҳамоиши идонаи наврӯзӣ намояндагони корпусҳои дипломатӣ ва шарикони рушд бо анъанаҳои миллӣ ва ҳунарҳои бостонии тоҷикон, хусусан таҷлили Ҷашни байналмилалии Наврӯз шинос шуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
ТАБИАТ МЕКУНАД МОРО ТАБОБАТ! Кадбонуҳои тоҷик аз гиёҳҳои шифобахш хӯрокҳои гуногун омода месозанд
ӮСМАКАШӢ. Ин анъанаи наврӯзӣ барои солимии чашм иҷро карда мешавад
НАВРӮЗ — ҶАШНИ ХУДШИНОСИИ МИЛЛӢ. Андешаҳо дар ин маврид
Сокинони ноҳияи Мастчоҳ ҷашни Наврӯзро бо тантана истиқбол гирифтанд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Ба ифтихори ҷашни Наврӯз дар Агентии назорати давлатии молиявӣ ва мубориза бо коррупсия чорабинии тантанавӣ баргузор шуд
Оинҳои ҷашни Наврӯз дар намунаи ёдгориҳои қадим инъикос гардидаанд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Саҳми Пешвои миллат дар ҷаҳонишавии ҷашни Наврӯз беназир аст
«ХИДИРАЙЁМ». Дар ноҳияи Шуғнон ойинҳои наврӯзӣ намоиш дода шуданд
