Номи 10 шаҳру ноҳия ва обанбори Қайроққум иваз мешавад

Феврал 1, 2016 16:55
Касри миллат

Душанбе, 01.02.2016. (АМИТ «Ховар»). — Имрӯз аз ҷониби Асосгузори сулҳу ваҳдати миллӣ, Пешвои Миллат, Президенти Ҷумҳурии Тоҷикистон  муҳтарам Эмомалӣ Раҳмон қарорҳои Ҳукумати Ҷумҳурии Тоҷикистон доир ба тағйир додани  номи як қатор шаҳру ноҳияҳо ва объектҳои ҷуғрофии мамлакат ба имзо расида, ба баррасии Маҷлиси миллии Маҷлиси Олии Ҷумҳурии Тоҷикистон пешниҳод гардид.

Тибқи қарорҳои Ҳукумати Ҷумҳурии Тоҷикистон, ки дар асоси пешниҳоди маҷлисҳои вакилони халқи вилоятҳо ва шаҳру ноҳияҳо таҳия шуда, ба имзо расидааст, номҳои як қатор шаҳру ноҳияҳо ба таври зайл иваз мешаванд:

 

  • Ноҳияи Ҳисор – шаҳри Ҳисор;
  • Ноҳияи Тавилдара – ноҳияи Сангвор;
  • Ноҳияи Ҷиргатол – ноҳияи Лахш;
  • Ноҳияи Ҷалолиддини Румӣ – ноҳияи Ҷалолиддини Балхӣ;
  • Ноҳияи Ҷиликул – ноҳияи Дӯстӣ;
  • Ноҳияи Қумсангир – ноҳияи Ҷайҳун;
  • Ноҳияи Шӯрообод – ноҳияи Шамсиддини Шоҳин;
  • Шаҳри Қайроққум – шаҳри Гулистон;
  • Шаҳри Чкалов – шаҳри Бустон;
  • Ноҳияи Ғончӣ – ноҳияи Деваштич;
  • Обанбори Қайроққум – обанбори “Баҳри Тоҷик”.

Пешниҳод дар бораи ба шаҳр табдил додани ноҳияи Ҳисор, ки  дар доираи омодагӣ ба таҷлили 3000 – солагии Ҳисори шодмон басо ободу зебо шудааст, дар рӯзҳои таҷлили ин ҷашн аз ҷониби Асосгузори сулҳу ваҳдати миллї, Пешвои Миллат, Президенти Ҷумҳурии Тоҷикистон  муҳтарам Эмомалӣ Раҳмон садо дода буд.

Ҷойи таъкид аст, ки тағйири номи шаҳру ноҳияҳо мутобиқи моддаҳои 10, 18 ва 19 Қонуни конститутсионии Ҷумҳурии Тоҷикистон “Дар бораи тартиби ҳалли масъалаҳои марзию маъмурии Ҷумҳурии Тоҷикистон” ва Қонуни конститутсионии Ҷумҳурии Тоҷикистон “Дар бораи номҳои объектҳои ҷуғрофӣ” бо пешниҳоди маҷлисҳои вакилони халқи вилоятҳо ва шаҳру ноҳияҳо амалӣ мегардад.

Ҳадаф аз тағйири номи шаҳру ноҳияҳо ва обанбори мазкур амалӣ намудани дархосту пешниҳод ва ормонҳои ватандӯстонаи мардум доир ба барқарор намудани асолати таърихии номҳо, тарғибу ташвиқи анъанаҳои волои миллӣ, ба назар гирифтани хосиятҳои маҳалҳои ҷойгиршавӣ ва мусоидат ба баланд  бардоштани ҳисси ифтихору сарфарозии аҳолӣ ва хусусан бедор намудани хотираи таърихии насли ҷавону навраси кишвар аз фарҳангу тамаддуни пурғановати ниёгон ва давлатсозии муосири миллати бостонию созандаи тоҷик аст.

Қарорҳои Ҳукумати Ҷумҳурии Тоҷикистон, ки дар ин бора аз ҷониби Раиси Ҳукумати мамлакат Эмомалӣ Раҳмон ба имзо расиданд, барои тасдиқ ба Маҷлиси миллии Маҷлиси Олии Ҷумҳурии Тоҷикистон пешниҳод гардиданд.

Феврал 1, 2016 16:55

Хабарҳои дигари ин бахш

34299399055_2028ac6f19_zМаҷлиси Ҳукумати Ҷумҳурии Тоҷикистон
Касри миллатМубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Иҷрокунандаи вазифаи Президент — Сарвазири Ҷумҳурии Корея Хван Гё Ан
33415319894_37ab8bc5d0_zМулоқоти Пешвои миллат Эмомалӣ Раҳмон бо Фармондеҳи Фармондеҳии марказии Штатҳои Муттаҳидаи Америка генерал Ҷозеф Л. Вотел
Монголия 2Барқияи табрикии Президенти Монголия Тсахиагийн Элбегдорж ба Президенти Ҷумҳурии Тоҷикистон Эмомалӣ Раҳмон
Цахиагийн Элбэгдорж МонголияБарқияи табрикии Пешвои миллат Эмомалӣ Раҳмон ба Президенти Монголия Тсахиагийн Элбегдорж
Порошенко1Барқияи табрикии Президенти Украина Пётр Порошенко ба Президенти Ҷумҳурии Тоҷикистон Эмомалӣ Раҳмон
Пётр ПорошенкоБарқияи табрикии Пешвои миллат Эмомалӣ Раҳмон ба Президенти Украина Пётр Порошенко
33974750152_8cce637ac7_zТаъиноти кадрӣ дар сохтору воҳидҳои Вазорати корҳои дохилии Ҷумҳурии Тоҷикистон
33189680144_e3151b0e3a_zИштироки Пешвои миллат Эмомалӣ Раҳмон дар мулоқоти ғайрирасмии Сарони давлатҳои аъзои Созмони Аҳдномаи амнияти дастаҷамъӣ
Э. Рахмон-сомолётСафари кории Пешвои миллат Эмомалӣ Раҳмон ба шаҳри Бишкеки Ҷумҳурии Қирғизистон
Эмомали Рахмон и Пратибха МехтаМулоқоти Пешвои миллат Эмомалӣ Раҳмон бо Ҳамоҳангсози доимӣ, Роҳбари нави Барномаи рушди СММ дар Тоҷикистон хонум Пратибҳа Меҳта
Қабули эътимоднома аз 5 сафири нав 11.04.2017Қабули эътимоднома аз 5 сафири нав