Кишоварзони ноҳияи Шуғнон соҳиби бинои дуошёна гардиданд

Август 25, 2016 14:10

Шуғнон, 25.08.2016. /АМИТ«Ховар» /. Дар остонаи 25-умин солгарди Истиқлолияти давлатии Ҷумҳурии Тоҷикистон дар маркази ноҳияи Шуғнон- шаҳраки навбунёди Вахдат бинои нави хуштарҳу зебои дутабақа барои кишоварзон мавриди баҳрабардорӣ қарор гирифт.
Зимни ифтитоҳи бино раиси Вилояти Мухтори Кӯҳистони Бадахшон Шодихон Ҷамшед кормандони бахши кишоварзӣ ва онҳоеро, ки бо замин сару кор доранд, табрик карда, баён дошт, ки ин ҳама корҳои ободонию созандагӣ самараи истиқлолу ваҳдати миллӣ аст.
Маҳз дар даврони истиқлолият замин ба соҳиби аслиаш, яъне деҳқон дода шуд ва имрӯз вай мутобиқ ба шароити иқлим ва фоиданокии ҳосил ин ё он зироату сабзавотро кишт карда, ба бозор мебарорад. Ҳукумати кишвар ҳамасола бо мақсади рушди соҳаҳои мухталифи кишоварзӣ ба деҳқонону боғдорон, сабзавоткорону чорводорон бо фоизи муайян қарзҳои кӯтоҳмуддату дарозмуддат медиҳад.
Пешвои миллат ҳамеша таъкид мекунад, ки бо истифода аз шароити биҳиштосои кишвар ва риояи дурусти усулҳои муосири агросаноатӣ мо метавонем дар як мавсим ду-се ҳосил ба даст оварем. Бо ин кор на танҳо бозорҳои дохилиро аз маҳсулоти тозаи худӣ таъмин мекунем, балки вақти он расидааст, ки ин маҳсулотро дар бозорҳои кишварҳои дуру наздик ба фурӯш гузорем.
Ба гуфтаи мудири бахши кишоварзии ноҳия Солеҳҷон Хушназаров, бинои мазкур бо харҷи беш аз 1 миллион сомонӣ бунёд шуда, 12 утоҳи корӣ, маҷлисгоҳ ва сарой барои мошинҳо дорад.
Утоқҳои корӣ бо таҷҳизоти технологӣ муҷаҳҳаз гардонида шудаанд.

Август 25, 2016 14:10

Хабарҳои дигари ин бахш

«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Имрӯз дар ноҳияҳои водигии Тоҷикистон ҳаво то 34 дараҷа гарм мешавад
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок дорад
Чат-боти Доно доир ба кор бо муроҷиати муштариён маълумот медиҳад
Имрӯз дар Тоҷикистон ҳаво то 28 дараҷа гарм мешавад
Дар Душанбе ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд
Донишгоҳи техникии Тоҷикистон ва Донишкадаи технологияҳои иттилоотии Чанчжоуи Чин ҳамкориро густариш медиҳанд
Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
СОЛИ МАЪРИФАТИ ҲУҚУҚӢ. Гурӯҳи корӣ бо сокинону фаъолони шаҳри Хоруғ вохӯрӣ анҷом дод
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Картошкаи водии Рашт бо лаззату хуштаъм буда, ҳамто надорад