Дар мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон» варзишгарони 17 мамлакати дунё қувваозмоӣ мекунанд

Сентябрь 30, 2016 10:29

Ваҳдат, 30.09.2016. /АМИТ «Ховар»/. Дар асоси нақшаи чорабиниҳои баргузории чорумин мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон» масъулини шаҳри Ваҳдат ва кумитаву вазоратҳои дахлдор кумитаи тадорукот оид ба баргузории мусобиқа таъсис додаанд. Барои дар сатҳи баланд баргузор гардидани мусобиқаи мазкур варзишгоҳи марказии шаҳри Ваҳдат ва толорҳои варзишии он таъмири пурра гардида, атрофи варзишгоҳро бо шиору овезаҳои таблиғотӣ оро додаанд. Инчунин кӯчаҳои маркази шаҳрро аз партобҳо тоза намуда ва барои дар сатҳи баланд пешвоз гирифтани меҳмонон омодагии ҷиддӣ мебинанд.
Тибқи иттилои мудири бахши ҷавонон, варзиш ва сайёҳии шаҳри Ваҳдат Маъруфҷон Азиззода, мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон», ки рӯзи 5 октябр дар шаҳри Ваҳдат доир мешавад, аз ҳисоби Мақомоти иҷроияи ҳокимияти давлатии шаҳри Ваҳдат маблағгузорӣ мегардад.
Маблағи ҷоизаи мусобиқаи мазкур барои ғолиби ҷои аввал- 56 ҳазор сомонӣ, зинаи дуюм- 32 ҳазор сомонӣ ва барои ду ҷои зинаи сеюм 16 ҳазор сомонигӣ муайян гардидааст.
Имсол дар чорумин мусобиқаи байналмилалӣ оид ба дзюдо барои дарёфти «Ҷоми Президенти Ҷумҳурии Тоҷикистон» варзишгарони Тоҷикистон, Ҷопон, Амрико, Куба, Непал, Покистон, Афғонистон, Эрон, Беларус, Русия, Италия, Мисри Араб, Украина, Ӯзбекистон, Қазоқистон, Қирғизистон ва Озарбойҷон қувва меозмоянд.

Сентябрь 30, 2016 10:29

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд