Парлумон ба қонуни матбуоти даврӣ илова ворид намуд

Март 31, 2016 14:24

Душанбе, 31.03.2016.(АМИТ «Ховар»).- Вакилони палатаи поёнии Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи матбуоти даврӣ» иловаҳо ворид намуданд, ки тибқи он минбаъд фаъолияти Васоити ахбори омма /ВАО/ бо қарори муассис, бо сабаби азнавташкилдиҳии ВАО ва бо ҳалномаи суд қатъ карда мешавад. Дар сурати аз ҷониби ВАО риоя нагардидани муқаррароти қонунгузории Ҷумҳурии Тоҷикистон Прокурори генералии Ҷумҳурии Тоҷикистон ва ё прокурорҳои тобеи он ба ВАО дар бораи бартараф намудани қонунвайронкуниҳо амри хаттӣ фиристода, муҳлати барқарор намудани онҳоро муқаррар менамоянд.
Зимни баррасӣ ва қабули лоиҳаи қонуни мазкур Олимҷон Салимзода, раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар назди вакилон гуфт, ки қисми 3 моддаи 11 иловаи 2 бо пешниҳоди гурӯҳи корӣ аз лоиҳа хориҷ карда шуд, ки он марбут ба меъёрҳои одоби журналистист. Бояд тазаккур дод, ки алҳол дар Тоҷикистон беш аз 600 рӯзномаю маҷалла ва оҷонсии иттилотӣ фаъолият дорад, ки аз ин шумора 363 рӯзнома хусусӣ ва танҳо 106 ададаш давлатист.

Март 31, 2016 14:24

Хабарҳои дигари ин бахш

Намояндаи Тоҷикистон дар кори иҷлосияи 148-уми Ассамблеяи парлумонии Иттиҳоди Давлатҳои Муттаҳид дар Женева иштирок намуд
Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид