Ошкор гардидани дуздии телефонҳои мобилӣ ба маблағи қариб 6 ҳазор сомонӣ

Июль 19, 2016 13:29

Душанбе, 19.07.2016. /АМИТ «Ховар»/. 18 июли соли равон  аз ҷониби кормандони милитсия ду ҷинояти марбут ба дуздии телефонҳои мобилӣ ошкор ва гумонбарони он дастгир гардиданд.
Тавре аз Вазорати корҳои дохилии Ҷумҳурии Тоҷикистон хабар доданд, зимни гузаронидани чорабиниҳои фаврию ҷустуҷӯӣ муайян карда шуд, ки гумонбар, зани 24-солаи сокини шаҳри Панҷакент 5 июли соли равон тахминан соати 10:20 бо роҳи пинҳонӣ ҳангоми дар мағозаи «Элита», воқеъ дар шаҳри Хуҷанд буданаш, телефони мобилии тамғаи «Самсунг»-и зани 36-солаи сокини шаҳри Хуҷандро дуздида, аз ҷойи ҳодиса ғайб задааст. Арзиши телефони мобилии зикргардида 1 ҳазору 680 сомониро ташкил медиҳад.
Ҳамчунин  2 июл шахси номаълум бо роҳи пинҳонӣ вориди хонаи истиқоматии зани 44-солаи сокини шаҳри Душанбе шуда, аз он ҷо телефони мобилии тамғаи «Самсунг Г-5», ки арзишаш 4 ҳазору 266 сомониро ташкил медиҳад, дуздида аз ҷойи ҳодиса ғайб задааст.
Дар натиҷаи бурдани корҳои фаврӣ бо гумони содир намудани ҷинояти мазкур духтари 16-солаи сокини шаҳри Душанбе дастгир карда шуд.
Нисбати далелҳои мазкур парвандаи ҷиноятӣ оғоз гардида, тафтишот идома дорад.

Июль 19, 2016 13:29

Хабарҳои дигари ин бахш

Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад