Шиносоии Сарвазири мамлакат бо рафти корҳои сохтмонии корхонаҳои истеҳсолии Минтақаи озоди иқтисодии Данғара

Июль 18, 2016 17:26

Душанбе, 18.07.2016. /АМИТ «Ховар»/. Имрўз Сарвазири мамлакат Қоҳир Расулзода дар ноҳияи Данғараи вилояти Хатлон бо рафти корҳои сохтмонии корхонаҳои гуногуни истеҳсолии Минтақаи озоди иқтисодии Данғара шинос шуд.
Зимни ин сафар Сарвазири мамлакат ва ҳайати ҳамроҳонаш аз мавзеи бунёди Корхонаҳои конструксияҳои металлии  «Металлопласт», Корхонаи коркарди нафт ва Корхонаи истеҳсоли семент  дидан карданд.
Тавре иттилоъ дода шуд, ин корхонаҳо дар асоси ҳамкорию сармоягузории Тоҷикистон ва Чин бунёд гардида, дар оянда баъди мавриди баҳрабардорӣ қарор гирифтани онҳо шумораи зиёди ҷойҳои нави корӣ фароҳам оварда мешаванд.
Бино ба маълумоти масъулони соҳа иқтидори истеҳсолии солонаи Корхонаи конструксияҳои металлии  «Металлопласт» 100 ҳазор тонна металл,  Корхонаи  коркарди  нафт  500  ҳазор тонна ва  Корхонаи семент  1 млн 600 ҳазор тонна пешбинӣ шудааст.
Сарвазири мамлакат роҳбарияти вазорату идораҳои дахлдор, мақомоти иҷроияи ҳокимияти давлатии вилоят ва ноҳия ва роҳбарону масъулони ташкилоту идораҳои сохтмониро барои иҷрои босифати корҳои бунёдии ин корхонаҳои муҳими саноатӣ, ҳалли мушкилоти рўзмарраи таъминоти нерўи барқ ва ҷалби бештари сокинони  маҳаллӣ ба корҳои сохтмонӣ  вазифадор намуд.

Июль 18, 2016 17:26

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Шабонарӯзи наздик дар минтақаҳои алоҳидаи кӯҳии Тоҷикистон сар задани зуҳуроти селӣ дар назар аст