Натиҷагирии лоиҳаҳои сармоягузории Бонки Осиёии рушд дар соли 2016
ДУШАНБЕ, 17.03.2017. /АМИТ «Ховар»/. Имрӯз дар шаҳри Душанбе ҷаласаи солона оид ба шарҳи маҷмӯи лоиҳаҳои сармоягузории Ҳукумати Ҷумҳурии Тоҷикистон ва Бонки осиёии рушд барои соли 2016 доир гардид.
Тавре ки хабарнигори АМИТ «Ховар» хабар дод, дар ҷаласа раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Файзиддин Қаҳҳорзода ва намояндаи доимии Бонки осиёии рушд дар Ҷумҳурии Тоҷикистон Си Си Ю иштирок намуда, аз лоиҳаҳои сармоягузории Бонки Осиёии рушд дар соли 2016 натиҷагирӣ карданд.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Файзиддин Қаҳҳорзода зикр намуд, ки шурӯъ аз соли 1998 Кумита ҳамкориро бо Бонки Осиёии рушд ба роҳ мондааст. Бонки осиёии рушд то якуми январи соли равон дар Тоҷикистон 68 лоиҳаро сармоягузорӣ кардааст, ки он соҳаҳои энергетика, нақлиёт, хоҷагии қишлоқ, бартараф намудани оқибатҳои офати табиӣ ва дигар бахшҳои афзалиятнокро фаро мегирад.
Ҳадафи аслии ҳамоиш боз ҳам тақвият додани робитаҳои ҳасанаи кишвар бо ин шарики муҳими молиявӣ арзёбӣ гардид.
Бо назардошти ҳамкории тақрибан 20-солаи Ҳукумати Ҷумҳурии Тоҷикистон ва Бонки Осиёии рушд иттилоъ дода шуд, ки дар оянда низ ин ҳамкорӣ рушд ёфта, соҳаҳои бештарро фаро хоҳанд гирифт.
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
