Рӯзҳои фарҳанги Ҷумҳурии Тоҷикистон дар Туркманистон оғоз гардиданд
ДУШАНБЕ, 14.06.2017 /АМИТ Ховар/. Тавре қаблан хабар дода будем, иштироккунандагони Рӯзҳои фарҳанги Ҷумҳурии Тоҷикистон дар Туркманистон дар ҳайати 40 нафар 12 июни соли 2017 тавассути тайёраи Ширкати ҳавонавардии Туркманистон «Turkmenistan airlines» бо хатсайри Ашқобод–Душанбе–Ашқобод, ки парвози озмоишӣ буд, ба Ашқобод сафар карданд.
Аз Маркази матбуоти Вазорати фарҳанги ҷумҳурӣ хабар доданд, ки иштирокчиёни Рӯзҳои фарҳанги Тоҷикистонро дар Фурудгоҳи байналмилалии шаҳри Ашқобод намояндагони Вазорати фарҳанги кишвари мизбон гарму самимӣ истиқбол гирифтанд.
Дар доираи ин чорабинӣ дирӯз вохӯрии расмии ҳайати иштироккунандагони Рӯзҳои фарҳанги Ҷумҳурии Тоҷикистон дар Туркманистон бо роҳбарии муовини Вазири фарҳанг Зевар Давлатзода ва муовини Вазири фарҳанги Туркманистон Баҳоргул Абдиева баргузор гардид.
Сипас, ҳайати мазкур аз Осорхонаи давлатии Маркази фарҳангии давлатии Туркманистон дидан намуданд.
Ифтитоҳи ботантанаи Рӯзҳои фарҳанги Ҷумҳурии Тоҷикистон имрӯз, 14 июн, соати 19:00 дар Қасри мақоми Маркази фарҳангии давлатии Туркманистон дар назар аст. Барномаи ҳунарии устодони санъати тоҷик, ки дар маросими кушодашавии ботантани ин маъракаи фарҳангӣ манзури тамошобинони Туркманистон мешавад, намунаҳои беҳтарини санъати рақс ва суруди халқи тоҷикро дар бар мегирад.
Хотиррасон менамоем, ки ба барномаи консертӣ бозёфтҳои эҷодии Ансамбли рақсии «Филармонияи давлатии Тоҷикистон» ба номи А. Ҷӯраев, сарояндаи опера Шарофат Усмонова, овозхонҳои Ансамбли давлатии «Шашмақом» ва «Дарё»-и Кумитаи телевизион ва радио Хуршед Иброҳимов ва Парвин Маҳмадёр, Ҳунарпешаи шоистаи Тоҷикистон Парвин Юсуфӣ, сароянда ва мутриб Бахтиёр Баёнӣ шомил гардидаанд. Ҳунарпешаи халқии Тоҷикистон Давлат Убайдуллоев роҳбари бадеии барнома мебошад.
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
«САДА-ПАРТАВИ ХУРШЕДИИ ИСТИҚЛОЛ». Дар Осорхонаи миллии Тоҷикистон бахшида ба он конфронси ҷумҳуриявӣ доир шуд
ҶАШНИ САДА ДАР ДЕВАШТИЧ. Он бо риояи суннатҳои аҷдодӣ ва шукуҳу шаҳомати хосса таҷлил шуд
