Дар Душанбе масъалаҳои марбут ба беҳтар намудани фазои сармоягузорӣ ва соҳибкорӣ матраҳ гардиданд
ДУШАНЕБЕ, 17.04.2018 /АМИТ «Ховар»/. «Ҳамкории Ҷумҳурии Тоҷикистон бо шарикони рушд дар доираи Ҳадафҳои Рушди Ҳазорсола ва Ҳадафҳои Рушди Устувор, ки дар санадҳои стратегии Ҷумҳурии Тоҷикистон, аз ҷумла Стратегияи миллии рушд барои давраи то соли 2030 инъикос ёфтаанд, ба роҳ монда шудааст». Ин нуктаро раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода, ки ҳамзамон котиби масъули Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ мебошад, дар мулоқоташ бо шарикони рушд — роҳбарони намояндагиҳои Бонки осиёии рушд, Бонки аврупоии таҷдид ва рушд ва Бонки ҷаҳонӣ дар Тоҷикистон зикр намуд. Дар ин бора ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд.
Фаррух Ҳамрализода ҳамзамон атрофи тадбирҳои андешидаи Ҳукумати мамлакат дар самти ислоҳоти институтсионалӣ барои беҳтар намудани фазои сармоягузорӣ ва соҳибкорӣ тавассути такмили заминаи қонунгузорӣ, таҳкими низоми татбиқи қарордодҳо ва идоракунии корпоративӣ, бартараф намудани монеаҳои маъмурӣ ва баланд бардоштани иқтидори сармоягузории кишвар ибрози назар намуд.
Таъкид шуд, ки дар Стратегияи миллии рушд барои давраи то соли 2030 ҳадафҳои стратегии Ҳукумати Ҷумҳурии Тоҷикистон -гузаштан аз таъмини истиқлолияти энергетикӣ ба истифодаи самарабахши нерӯи барқ, баромадан аз бунбасти коммуникатсионӣ ва ба кишвари транзитӣ табдил ёфтан, таъмини амнияти озуқаворӣ ва дастрасии аҳолӣ ба ғизои хушсифат ва вусъати шуғли пурмаҳсул муайян гардидаанд, ки онҳо таҳкимбахшандаи ҳадафҳои стратегии амалкунанда маҳсуб меёбанд.
Ҳамзамон дар мулоқот масъалаҳои марбут ба раванди татбиқи барномаю стратегияҳои миллии рушд, дастовардҳои ҷумҳурӣ ҷиҳати ноил гардидан ба ҳадафҳои зикршуда, самаранокӣ ва рақобатпазирии иқтидорҳо, мушкилоти дар фаъолияти соҳибкорию сармоягузорӣ мавҷудбуда ва бартараф кардани он баррасӣ шуда, пешниҳодҳои судманд ироа гардиданд.
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
