Дар Театри давлатии академии опера ва балети ба номи Садриддин Айнӣ «Базми Зебо» баргузор гардид

Декабрь 18, 2018 10:57

ДУШАНБЕ, 18.12.2018 /АМИТ «Ховар»/.   Бахшида  ба 55–солагии фаъолияти эҷодии Артисти халқии СССР Зебо Аминзода шоми дирӯз дар Театри давлатии академии опера ва балети ба номи Садриддин Айнӣ барномаи бошукӯҳи консертӣ таҳти унвони «Базми Зебо» баргузор гардид.

Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар барномаи консертӣ ҳунарпешаҳои Ансамбли давлатии рақсии «Зебо», Ансамбли давлатии хизматнишондодаи рақсии «Лола», ансамблҳои рақсии «Базморо», «Гулрез», «Ҷаҳоноро», Ансамбли рақсии кӯдаконаи «Зебо», гурӯҳи «Навои аҷам», оркестри эстрадии «Гулшан», инчунин Ҳунарпешаҳои халқии Тоҷикистон Ибодулло Машраб, Хайрӣ Ватанова, Баҳодур Неъматов, Мастона Эргашева, Имомалӣ Раҳмониён, Ҳунарпешаҳои шоистаи Тоҷикистон Бахтиёр Иброҳимов, Ширинмоҳ Ниҳолова ва дигарон ҳунарнамоӣ намуданд.

Артисти халқии СССР Зебо Аминзода бо арғушти мавзуни худ ба базм ҳусни нотакрор бахшид. Аҳли толор, ки намояндагони санъату ҳунар, мухлисони санъати асили рақсии тоҷик ва собиқадорони соҳа буданд, ҳунарнамоии соҳибҷашн ва барномаи консертиро бо кафкӯбиҳои дуру дароз истиқбол гирифтанд.

Вазири фарҳанги Ҷумҳурии Тоҷикистон Шамсиддин Орумбекзода Зебо Аминзодаро бо 55-солагии фаъолияти бобарори эҷодияш муборакбод намуда,  чунин изҳор дошт: «Устоди ҳунар Низом Нурҷонов дар бораи Ансамбли рақсии «Зебо» гуфта буданд: «Зебо» ба санъати миллии мо равнақи тоза бахшид ва санъати халқиро касбӣ кард». Аз  ин баҳои баландтаре нест. Ситораи фарҳанги тоҷик Зебо Аминзода аз сулолаи ҳунармандони бузург ва аҳли зиёии мамлакат аст. Модар ва модарбузурги соҳибҷашн ҳунармандони халқӣ буданд, аммо Зебо Аминзода дар авҷи камолот аз ҳама боло рафт ва Артисти халқии СССР гардид. Мо бо ин ситораи фарҳанги тоҷик ифтихор мекунем».

Ҳамчунин Зебо Аминзода  сухан карда, миннатдории худро ба  аҳли толор баён намуда, иброз дошт, ки «ман то охири умр ба халқу ватанам хизмат мекунам. Зеро хизмат  ба халқу Ватан орзуи ҳамешагии ман аст».

Декабрь 18, 2018 10:57

Хабарҳои дигари ин бахш

НИШАСТИ МАТБУОТӢ. Дар Тоҷикистон 10 ёдгории таърихию фарҳангӣ бозёфт гардид
НИШАСТИ МАТБУОТӢ. Дар телевизионҳои Чин 6 филми мустанади Тоҷикистон намоиш дода мешавад
НИШАСТИ МАТБУОТӢ. Вазорати фарҳанг 5 номинатсияи навро барои дохилнамоӣ ба Феҳристи мероси ҷаҳонии ЮНЕСКО пешниҳод намудааст
Имрӯз дар Вазорати фарҳанг, Кумитаи телевизион ва радио, Агентии хизмати давлатӣ, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мешавад
То замони муосир барои шарҳи «Шоҳнома»-и Фирдавсӣ бештар аз 10 фарҳанг ба қалам омадааст
Дар Душанбе таҳти унвони «Ҷойгоҳи Хатлон дар тамаддуни умумибашарӣ» ҳамоиши илмӣ доир карда шуд
«ТОҶИКИСТОН-ВАТАНИ АЗИЗИ МАН». 132 довталаби пойтахт ба даври ҷумҳуриявии озмун роҳхат гирифт
21 июл дар Вазорати фарҳанг, Кумитаи телевизион ва радио, Агентии хизмати давлатӣ, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мешавад
ХУТТАЛИ ҚАДИМ. Пазируфта шудани он ба рӯйхати Мероси ҷаҳонӣ далели нақши муҳими ин маконҳо дар таърихи минтақа аст
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
Китоби «Мероси таърихӣ, фарҳангӣ ва табиии Тоҷикистон» аз чоп баромад