Муътабар Азимова ғолиби озмуни «Авто-Бону-2019» гардид

Март 18, 2019 08:25

ДУШАНБЕ, 18.03.2019/АМИТ «Ховар»/.  Дар озмуни «Авто-Бону-2019», ки бо ташаббуси Вазорати корҳои дохилии Ҷумҳурии Тоҷикистон ва Раёсати БДА ВКД гузаронида шуд, Муътабар Азимова аз вилояти Суғд сазовори ҷойи аввал ва соҳиби мукофоти асосӣ- Диплом ва рамзи «Авто-Бону- 2019» гардид.

Дар автодроми автоматонидашудаи ба номи А.Турсунов, воқеъ дар километри 7-уми кӯчаи С.Айнӣ, бахшида ба ҷашни Наврӯзи байналмилалӣ ва Солҳои рушди деҳот, сайёҳӣ ва ҳунарҳои мардумӣ бо ташаббуси ВКД ва Раёсати БДА ВКД озмуни «Авто-Бону-2019» баргузор гардид.

Тавре аз Вазорати корҳои дохилӣ ба АМИТ «Ховар» хабар доданд, озмунро сардори Раёсати БДА Акбар Насимзода оғоз намуда, иброз намуд, ки мавқеи зан-модар дар даврони соҳибистиқлолии кишвар бо дастгирии бевоситаи Президенти Ҷумҳурии Тоҷикистон муҳтарам Эмомалӣ Раҳмон боз ҳам баланд гардидааст. Дар ин радиф Раёсати БДА ВКД бо иштироки бонувони ронанда тасмим гирифтааст, ки ба ифтихори ҷашни Наврӯзи оламафрӯз ва «Солҳои рушди деҳот, сайёҳӣ ва ҳунарҳои мардумӣ» озмуни навбатии маҳорати касбӣ байни занону духтарони ронанда «Авто – Бону-2019»-ро гузаронад.

Мавсуф иброз намуд, ки гузаронидани чунин озмун, пеш аз ҳама, бо мақсади баланд бардоштани малакаи касбии занони ронанда, таблиғи қоидаҳои ҳаракат дар роҳ ва пешгирии садаманокӣ гузаронида мешавад. Аз таҳлилҳои коршиносони соҳа бармеояд, ки бонувон зимни идора намудани мошин нисбат ба мардон бо эҳтиёт буда, ба талаботи қоидаҳои ҳаракат дар роҳ дар ҳама ҳолат риоя менамоянд.

Озмун аз рӯйи даврҳои «Ман ва автомобилам» (муаррифӣ ва ороиши автомобил), «Донандагони қоидаҳои ҳаракат дар роҳ», «Рондани автомобил дар Автодром», «Шарҳи қисмҳои автомобил» ва «Намоиши ҳунарҳои мардумӣ» гузаронида шуд.

Ҳамин тариқ, озмуни «Авто-Бону-2019» ҷамъбаст ва ғолибону иштирокчиёни фаъоли он муайян гардиданд. Аз рӯи натиҷаи иҷрои шартҳои озмун Муътабар Азимова аз вилояти Суғд ҷойи аввалро ишғол намуда, соҳиби мукофоти асосӣ- Диплом ва рамзи «Авто-Бону 2019» гардид. Ҷойи дуюм насиби Мавлуда Саидова аз шаҳри Роғун гардида, ҷойи сеюмро иштирокчии фаъоли дигар- Мадина Ҳотамова, корманди Сарраёсати хадамоти давлатии оташнишонии ВКД ба даст овард.

Аз рӯи ҷоизаи таваҷҷуҳи тамошобинон ҷоиза ба Зуҳро Холбобоева дода шуд, ки ӯ 45 сол мешавад миёни мардум ҳамчун ронанда шинохта шудааст.

Ҳамчунин сардори Раёсати БДА ВКД Акбар Насимзода ба ғолибон ва иштирокчиёни озмун аз ҷониби роҳбарияти Вазорати корҳои дохилӣ «Ифтихорнома» ва дигар туҳфаҳои хотиравӣ супурд.

Март 18, 2019 08:25

Хабарҳои дигари ин бахш

«ҶОМИ ПОЙТАХТ». Дар истироҳатгоҳи беруназшаҳрӣ олимпиадаи даставӣ баргузор мегардад
Дар Душанбе нақшаи чорабиниҳо доир ба баргузории Чемпионати минтақавии Осиёи Марказӣ оид ба бадминтон тасдиқ гардид
ДУШАНБЕ БА ШАҲРИ САБЗ ТАБДИЛ МЕЁБАД. Дар мавсими тирамоҳу баҳор дар пойтахт қариб дусад ҳазор бех ниҳол шинонида мешавад
Бо Қарори Раиси шаҳри Душанбе дар пойтахт ярмаркаи фурӯши либос ва лавозимоти мактабӣ оғоз гардид
ИТТИЛОИЯ. Ба саҳифаҳои қалбакии аз номи Раиси Маҷлиси миллӣ, Раиси шаҳри Душанбе Рустами Эмомалӣ кушодашуда бовар накунед!
ДУШАНБЕ БАЪД АЗ 20 СОЛ. Таҳияи нақшаи генералии 64 шаҳру ноҳияҳои Тоҷикистон пурра ба анҷом расидааст
Сокини 10-миллионаи Тоҷикистон ба хонае, ки Пешвои миллат Эмомалӣ Раҳмон туҳфа карданд, ворид шуд
Дар ноҳияи Исмоили Сомонии пойтахт сохтмони зиёда аз 49 хонаи истиқоматии баландошёнаи замонавӣ ҷараён дорад
Моҳи сентябри соли 2022 дар Душанбе аввалин IT-парк ба фаъолият оғоз мекунад
Дар Душанбе боғи «Истиқлолият» бо майдони маҷмааи меъмории рамзи «Истиқлолият ва Озодӣ» ба истифода дода мешавад
Дар шаш моҳи соли 2022 дар ноҳияи Фирдавсӣ 138 корхонаи саноатӣ ба қайд гирифта шуданд
Дар шаш моҳ дар ноҳияи Шоҳмансури пойтахт ба маблағи 247 миллион сомонӣ маҳсулоти саноатӣ истеҳсол гардид

Маводҳои таҳлилӣ