Музди меҳнати пардохтнашудаи муҳоҷирони меҳнатӣ аз тарафи корфармоён баргардонида шуд, — бардошт аз нишасти матбуотӣ
ДУШАНБЕ, 25.07.2019 /АМИТ «Ховар»/. Дар шашмоҳаи якуми соли равон бо мусоидати мақомоти меҳнат ва шуғли аҳолӣ 12 ҳазору 317 нафар занону духтарони хонашин ва шаҳрвандон ба омӯзиши ҳунарҳои мардумӣ фаро гирифта шуданд. Ҷалби аҳолии мамлакат ба омӯзиши ҳунарҳои мардумӣ, ба ин васила эҳё ва рушди касбу ҳунарҳо, ба шуғли доимӣ фаро гирифтани шаҳрвандон яке аз ҳадафҳои вазорат буда, бо эълон гардидани Солҳои рушди деҳот, сайёҳӣ ва ҳунарои мардумӣ дар ин самт пайваста тадбирҳои муассир андешида мешаванд. Ин матлабро имрӯз муовини якуми Вазири меҳнат, муҳоҷират ва шуғли аҳолии Ҷумҳурии Тоҷикистон Эмин Сангинзода ба хабарнигорон изҳор намуд.
«Дар ҷумҳурӣ 4 миллиону 725,6 ҳазор нафар аҳолии қобили меҳнат мебошад, ки шумораи умумии бекорон 463,4 ҳазор нафарро ташкил медиҳад. Аз ин теъдод 216, 3 ҳазор нафар мард ва 247,1 ҳазор нафар зан мебошанд. Дар шароити кунунӣ, ки суръати баланди афзоиши табиии аҳолӣ ва қувваҳои корӣ ва ташкили на он қадар зиёди ҷойҳои нави корӣ мушоҳида карда мешавад, мушкилоти қонеъ гардонидани аҳолӣ бо ҷойи кор масъалаи рӯзмарра боқӣ мемонад. Ба шуғл фаро гирифтани аҳолии қобили меҳнат ва баланд бардоштани сатҳи зиндагии мардум яке аз ҳадафҳои стратегии давлату Ҳукумати Ҷумҳурии Тоҷикистон мебошад»,-илова намуд номбурда.
Эмин Сангинзода ҳамчунин иброз дошт, ки соҳаи таҳсилоти ибтидоии касбӣ яке аз самтҳои фаъолияти вазорат буда, вазифаи асосии он мутобиқ ба Ҳадафҳои стратегии рушди иқтисодиёти мамлакат тайёр намудани кадрҳои коргарии баландихтисоси ҷавобгӯ ба талаботи замони муосир мебошад.
Дар нишаст инчунин иттилоъ дода шуд, ки дар давраи ҳисоботӣ кормандони намояндагии Вазорат дар Федератсияи Россия оид ба муҳоҷират 18 ҳазору 173 муроҷиату дархостҳои муҳоҷирони меҳнатиро баррасӣ намуда, бо дахолати онҳо 12 млн. 859 ҳазор рубли русӣ музди меҳнати пардохтнашудаи муҳоҷирони меҳнатӣ-шаҳрвандони мамлакат аз тарафи корфармоён баргардонида шуд.
Бо мусоидати Намояндагӣ дар ин давра 20 қарори судҳои ноҳиявӣ нисбат ба шаҳрвандони мо бо қарорҳои судҳои болоии Федератсияи Россия бекор карда шуда, зиёда аз 6441 нафар шаҳрвандони ҷумҳурӣ бо ҷойи кори доимӣ дар қаламрави Федератсияи Россия таъмин карда шуданд.
Вазъи шабакаи муассисаҳои кумаки аввалини тиббию санитарӣ дар Тоҷикистон мавриди баррасӣ қарор гирифт
МУЪҶИЗАИ НУР ДАР ДИЛИ КӮҲ. Аъзои ҲХДТ дар ноҳияи Фирдавсӣ бо фаъолияти сохтмончиёни Неругоҳи барқи обии «Роғун» шинос гардиданд
«БЕҲТАРИН ХИЗМАТЧИИ ДАВЛАТӢ». Дар Ҳисор даври минтақавии озмун аз ҳисоби занҳо баргузор гардид
ТАРБИЯИ ВАТАНДӮСТИИ ШАҲРВАНДОН. Дар Душанбе бо мақсади тақвият додани масъулияти шаҳрвандӣ ҳамоиш доир шуд
Дар Душанбе ҷаласаи ҳабдаҳуми Шурои вазирони адлияи давлатҳои иштирокчии Иттиҳоди Давлатҳои Мустақил доир шуд
Дар Душанбе ҷаласаи ҳабдаҳуми Шурои вазирони адлияи мамлакатҳои иштирокчии Иттиҳоди Давлатҳои Мустақил доир мешавад
ҲУКУМАТИ ЭЛЕКТРОНӢ. Дар Вазорати нақлиёти Тоҷикистон қабулгоҳи электронӣ фаъол гардид
ОМОДАГӢ БА ДАЪВАТИ ТИРАМОҲӢ. Сокини маҳаллаи Лангари шаҳри Норак Эраҷ Латипов ихтиёрӣ ба хизмати Ватан-Модар меравад
Дар Душанбе масъалаҳои рақамикунонии хизматрасонии давлатӣ мавриди баррасӣ қарор гирифт
Дар муассисаҳои тандурустии шаҳри Панҷакент доир ба чораҳои муқовимат ба коррупсия вохӯрӣ гузаронида шуд
Озмоишгоҳи миллии референсӣ ҳамчун Маркази миллии мубориза бар зидди зуком дар Тоҷикистон эътироф шуд
ОБОДОНӢ ДАР МАҲАЛ. Сокинони деҳаи Шӯраки Истаравшан бо оби нӯшокӣ ва полезӣ таъмин мегарданд
