Дар Минтақаи озоди иқтисодии «Суғд» боз як корхонаи нав таъсис дода мешавад
ДУШАНБЕ, 20.08.2019. /АМИТ «Ховар»/. Моҳи сентябри соли 2019 дар Минтақаи озоди иқтисодии «Суғд» /МОИ «Суғд»/ ифтитоҳи корхонаи тоҷикӣ-туркии «Афранг Пластик» ба нақша гирифта шудааст. Дар ин бора роҳбари маъмурияти МОИ «Суғд» Фирдавс Олимзода ба хабарнигори АМИТ «Ховар» иттилоъ дод.
Ба иттилои манбаъ, масоҳати корхона 1468 м2 буда, дар он истеҳсоли 350 тонна профилҳои ПВХ дар як сол пешбинӣ шудааст. Корхона баъди пурра ба кор даровардани иқтидори умумӣ соли 2021 ҳаҷми истеҳсолиро то ба 1200 тонна дар як сол расонданист.
Нархи рақобатпазири маҳсулоти сифатноки корхона имконияти на танҳо таъмин намудани бозори дохилӣ, инчунин содироти онро ба кишварҳои ҳамҷавор, аз ҷумла Афғонистон, Қирғизистон, Қазоқистон ва Ӯзбекистон имкон медиҳад.
Дар корхона таҷҳизоти истеҳсолии замонавӣ ва навтарин насб карда шуда, дар он 28 нафар сокинони маҳаллӣ бо ҷои кори доимӣ таъмин мегарданд.
Ёдовар мешавем, ки 6 майи соли равон Комиссияи махсуси Вазорати рушди иқтисод ва савдои Ҷумҳурии Тоҷикистон оид ба баррасии лоиҳаҳои сармоягузорӣ амалисозии лоиҳаи истеҳсоли профилҳои пластикиро дар ҳудуди Минтақаи озоди иқтисодии «Суғд» қабул намуд. Маблағи сармоягузории лоиҳа 5,5 млн сомонӣ (қариб 580 ҳазор доллари ИМА) мебошад.
Лоиҳа аз ҷониби довталаб барои гирифтани мақоми субъекти МОИ, корхонаи тоҷикӣ-туркии «Афранг Пластик» пешниҳод гардид. Дар корхона истеҳсоли 350 тонна профилҳои ПВХ дар як сол ба нақша гирифта шудааст, ки ин нишондиҳанда 30% ҳаҷми умумии лоиҳавиро дар бар мегирад.
Дар Хадамоти гумрук бахшида ба Рӯзи Парчами давлатии Тоҷикистон маҷлиси тантанавӣ баргузор шуд
Ҳаҷми умумии истеҳсоли маҳсулоти кишоварзӣ дар Кӯлоб беш аз 26 миллион сомонӣ зиёд гардидааст
Дар ноҳияи Ҷаббор Расулов нақшаи истеҳсоли пахта 100 фоиз иҷро гардид
БОҒҲОИ ИНТЕНСИВӢ. Дар Тоҷикистон аз майдони кам метавон ҳосили баланди босифат ба даст овард
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Дар ноҳияи Ёвон парвариши лимӯ ва апелсин бо риояи талаботи зарурии агротехникӣ ба роҳ монда шудааст
Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
Тоҷикистон 9 терминал ва маркази логистикиро ба рӯйхати «бандарҳои хушк»-и ЭСКАТО пешниҳод намуд
ФАЗОИ ТОҶИКРО ОЯНДАИ ДУРАХШОН ИНТИЗОР АСТ. Назари коршинос дар хусуси рушди авиатсияи тоҷик
ЧОРВОДОРӢ ДАР ТОҶИКИСТОН. Таъмини аҳолӣ бо маҳсулоти гӯштию ширӣ ба рушди ин соҳа вобаста аст
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
