Дастаи мунтахаби футзали Тоҷикистон ба Чемпионати Осиё-2020 омодагӣ мебинад

Октябрь 11, 2019 11:00

ДУШАНБЕ,11.10.2019 /АМИТ «Ховар»/. Дастаи мунтахаби Тоҷикистон оид ба футзал бо роҳбарии мутахассиси сербӣ — Деяна Дедович ба машқҳои омодагӣ баҳри иштирок дар бозиҳои интихобии Осиё-2020 оғоз бахшид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.  

Барои иштирок дар ин машқҳо ин мутахассис ба ҳайат 17 бозингарро, ки 3 нафарашон дарвозабон мебошанд, даъват намудааст. Дар рӯйхати ниҳоии даста барои ширкат дар ин бозиҳо 14 нафар бозингарон иштирок карда метавонанд. Ҳафтаи оянда, 17 октябр дастаи мунтахаби Тоҷикистон оид ба футзал ба шаҳри Машҳади Эрон сафар мекунад ва машқҳои ҷамъбастии пеш аз оғози ин мусобиқаро дар ҳамин шаҳр мегузаронад.

Ёдовар мешавем, ки  дар мусобиқоти интихобии Чемпионати Осиё – 2020 оид ба футзал дастаи  мунтахаби Тоҷикистон дар минтақаи иттиҳоди Марказ ва Ҷануб иштирок мекунад. Дар гурӯҳи «А» футзалбозони  шинохта бозиҳои  худро бо дастаҳои мунтахаби  Непал 23 октябр, Афғонистон 24 октябр ва Ӯзбекистон 25 октябр доир хоҳанд намуд. Марҳилаи интихобии Чемпионати Осиё – 2020 дар шаҳри Урмияи Эрон баргузор мегардад.

Ҳайати пурраи  дастаи  мунтахаби Тоҷикистон оид ба футзал:

Дарвозабонҳо: Фируз Бекмуродов, Муродулло Алиқулов (аз – «Соро компания»), Баҳромхоҷа Сидиқхоҷаев («Сипар»);

Бозингарони майдон: Дилшод Саломов («Сипар»), Шавкат Ҳалимов, Парвиз Раҳматов, Иқбол Воситзода, Баҳодур Хоҷаев (аз – «Сипар»), Раҳмоналӣ Шарипов, Муҳаммадҷон Шарипов, Файзалӣ Сардоров, Умед Кузиев, Собирҷон Гуляков, Идрис Ёров (аз – «Соро компания»), Қувватбек Равшанбеков («Памир»), Самандар Ризомов («Карон»), Рустам Ҳамидов («Сан Сити», Қирғизистон).

Октябрь 11, 2019 11:00

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд