Шаҳритуз сеюмин ноҳияи пахтакор аст, ки ба марраи мусобиқаи меҳнатӣ расид

Октябрь 14, 2019 15:40

ДУШАНБЕ, 14.10.2019. /АМИТ «Ховар»/. Пахтакорони хоҷагиҳои деҳқонии ноҳияи Шаҳритуз 13 октябр дар бораи иҷрои дурнамои истеҳсоли пахтаи имсола муждаи зафар доданд. Шаҳритуз дар қаламрави Ҷумҳурии Тоҷикистон имсол сеюмин ноҳияи пахтакор аст, ки ба марраи мусобиқаи меҳнатӣ расидааст.

Тавре ки аз Мақомоти иҷроияи ҳокимияти давлатии ноҳияи Шаҳритуз ба АМИТ «Ховар» иттилоъ доданд, заркорони ноҳия имсол дар майдони 5250 гектар пунбадона кишт намуда, аз аввали мавсим то имрӯз ба ҷойи 11950 тоннаи дурнамо ба қадри 12 ҳазору 14 тонна «тиллои сафед» ҷамъоварӣ ва ба нуқтаҳои қабул супурдаанд.

Ба иттилои манбаъ, имрӯзҳо ҷамъоварии пахта дар хоҷагиҳои деҳқонии ноҳия бомаром идома дошта, барзгарон азм доранд ҳосили боқимондаро то кӯраки охирин ғун кунанд.

Ёдовар мешавем, ки 30 сентябр заркорони шаҳри Левакант дар ҷумҳурӣ аввалин шуда, аз иҷрои дурнамои ҷамъоварии ҳосили имсола мужда дода буданд. Заркорони шаҳри Бохтар 4 октябр дурнамои мавсимро пурра таъмин намуданд.

Қобили зикр аст, ки бо ибтикори раиси вилояти Хатлон Қурбон Ҳакимзода то рӯзи 16 ноябр дар доираи иқдоми “60 рӯзи меҳнати зарбдор дар пахтазор” мусобиқаи меҳнатии 15-рӯза оид ба ҷамъоварии ҳосили пахта идома дошта, ҳар ним моҳ ба се шаҳру ноҳияе, ки нишондиҳандаи баландро соҳиб мешаванд, мукофоти пулӣ дар ҳаҷми 15 ҳазор сомонӣ, 10 ҳазор ва 5 ҳазор сомонӣ тақдим хоҳад шуд.

Тибқи ҷамъбасти даври якуми ин мусобиқаи меҳнатӣ, ҷойи аввал ва 15 ҳазор сомонӣ мукофотро заркорони ноҳияи Шаҳритуз аз они худ карда буданд.

19 шаҳру ноҳияи вилояти Хатлон хоҷагиҳои пахтакор дошта, дар мавсими имсола дар майдони 122 ҳазору 97 гектар пунбадона кишт шудааст. Кишоварзони вилоят ният доранд дар ин мавсим 275,2 ҳазор тонна пахта рӯёнанд.

Ба иттилои Сарраёсати кишоварзии вилояти Хатлон, то рӯзи 11 октябр пахтакорони вилояти Хатлон 207 ҳазору 301 тонна ҳосили «тиллои сафед» ҷамъоварӣ кардаанд, ки ба 75,3 дарсади дурнамои солона баробар аст.

Октябрь 14, 2019 15:40

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст