Деҳқонони ноҳияи Тоҷикобод 15 ҳазору 295 тонна картошкаи хушсифат ҷамъоварӣ намуданд
ТОҶИКОБОД, 26.11.2019 /АМИТ «Ховар»/. Хоҷагиҳои кишоварзии ноҳияи Тоҷикобод имсол аз майдони 665 гектар 15 ҳазору 295 тонна картошкаи хушсифат ҷамъоварӣ намуданд, ки нисбат ба соли гузашта 347 тонна зиёд мебошад. Дар ин бора иқтисодчии шуъбаи кишоварзии ноҳия Наҷмиддин Аброров ба хабарнигори АМИТ «Ховар» иттилоъ дод.
Мутахассисони соҳаи кишоварзии ноҳия гуфтанд, ки соли 2019 картошкаи тухмии навъҳои «Пикасо», «Тоҷикистон», «Кардинал», «Кондра» ва «Удача» то 236 сентнерӣ ҳосил доданд. Барои мисол, хоҷагии деҳқонии коллективии «Боқӣ Раҳимзода» аз майдони 60 гектар ба миқдори 1416 тонна картошка рӯёниданд.
Хоҷагиҳои деҳқонии ноҳияи Тоҷикобод то 20 ноябр дар майдони 433 гектар кишти зироати ғалладонагии тирамоҳӣ гузарониданд. Онҳо барои рӯёнидани ҳосили баланди зироати баҳорӣ дар 704 гектар замини корам шудгори тирамоҳӣ гузарониданд.
Ҳамчунин дар ноҳия барои гузаронидани кишт дар фасли баҳори соли оянда 1276 тонна картошкаи тухмӣ ва 175 тонна ғалладонаи тухмӣ захира шудааст.
Тибқи иттилои мутахассисони кишоварзии ноҳия, мушкилоти асосии соҳаи кишоварзӣ барои деҳқонон- ин набудани тухмиҳои хушсифат, корхонаҳои хурд барои коркарди маҳсулоти кишоварзӣ, нарасидани комбайни ғалладарав, гарон будани нуриҳои менералӣ, сӯзишворӣ ва қисмҳои эҳтиётии техникаҳо ба ҳисоб меравад. Дар сурати сари вақт бартараф накардани ин мушкилот он ба рушди кишоварзӣ таъсири манфӣ мерасонад.
Дар Хуҷанд Намоишгоҳи байналмилалии савдо «Суғд-2025» доир мегардад
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
