«МУҲАББАТ БА ЗИНДАГӢ». Таҳти чунин унвон дар Душанбе намоиши асарҳои шодравон Фаррух Хоҷаев доир мегардад
ДУШАНБЕ, 10.01.2020. /АМИТ «Ховар»/. 13 январ ба ифтихори 60-солагии шодравон Фаррух Хоҷаев таҳти унвони «Муҳаббат ба зиндагӣ» дар толори Донишкадаи давлатии санъати тасвирӣ ва дизайни Тоҷикистон намоиши мусаввараҳои рассом ифтитоҳ мегардад, ки то 25 январ идома меёбад.
Дар ин бора аз Донишкадаи давлатии санъати тасвирӣ ва дизайни Тоҷикистон ба АМИТ «Ховар» хабар доданд.
Ҳамчунин дар ин рӯз, соати 18:00, дар меҳмонхонаи «Серена Душанбе» офаридаҳои рассом ба намоиш гузошта мешаванд. Ҳаводорони санъати рассомӣ ваа дӯстдорони олами зебоӣ метавонанд то 1 феврал аз ин намоишгоҳ дидан намоянд.
Дар ин намоишгоҳҳо тамоми маҳсули эҷодии шодравон Фаррух Хоҷаев дар навъҳои мусаввара, нигораҳои графикӣ ва муҷассамаҳои хурд ба маъраз гузошта мешаванд.
Фаррух Хоҷаев соли 1960 дар шаҳри Душанбе дар оилаи зиёӣ ба дунё омадааст. Баъди хатми Коллеҷи ҷумҳуриявии рассомии ба номи Мирзораҳмат Олимов дар нашриёти «Ирфон» ба сифати рассом фаъолияташро оғоз намудааст.
Шодравон Фаррух Хоҷаев рассоми соҳаи графика, кулолгар, муҷассамасоз ва ҳайкалтароши маъруфи тоҷик ба ҳисоб меравад. Саҳми ӯ дар пешбурди ҳунари рассомӣ ва тайёр намудани шогирдон хеле назарас мебошад.
Асарҳояш тӯли солҳои гуногун дар осорхонаҳои Тоҷикистон, Осиёи Миёна, Россия ва Аврупо ба маърази тамошо гузошта шудаанд.
Фаррух Хоҷаев дар солҳои охири умр ба ҳайси декани факултаи санъати тасвирии Донишкадаи давлатии санъати тасвирӣ ва дизайни Тоҷикистон фаъолият мекард.
Ҳамчунин ба сифати раиси Иттифоқи рассомони Тоҷикистон адои вазифа намудааст.
Рассоми барҷастаи тоҷик Фаррух Хоҷаев 15 декабри соли 2019 дар шаҳри Душанбе аз олам чашм пӯшидааст.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
