Ориф Хоҷазода: «То таҷлили ҷашни 30-солагии Истиқлолияти давлатӣ заминҳои партов пурра ба гардиши кишоварзӣ ворид мегарданд»

Январь 31, 2020 14:18

ДУШАНБЕ, 31.01.2020 /АМИТ «Ховар»/. Тибқи нақшаи чорабиниҳои Кумитаи давлатии идораи замин ва геодезии Ҷумҳурии Тоҷикистон то  таҷлили ҷашни 30-солагии Истиқлолияти давлатӣ заминҳои аз истифода берун пурра ба гардиши кишоварзӣ ворид карда мешаванд. Дар ин бора имрӯз зимни нишасти матбуотӣ Раиси Кумитаи давлатии идораи замин ва геодезӣ Ориф Хоҷазода иттилоъ дод.

Ба зикри номбурда, масоҳати заминҳои аз истифода берун сол ба сол кам гардида, танҳо дар 5 соли охир 9 ҳазор гектари он ба гардиши кишоварзӣ ворид карда шудаанд. То  1 январи соли 2020 дар ҷумҳурӣ 22 ҳазору 55 гектар заминҳои аз истифода берун ба қайд гирифта шудаанд, ки  аз он 18 ҳазору  658 гектарашро заминҳои обӣ ташкил медиҳанд.

«Соли сипаригардида 8 ҳазору 200 гектар заминҳои холимонда ва аз истифода берун ба гардиши кишоварзӣ ворид шуданд, ки аз майдони умумии ба гардиши кишоварзӣ воридшуда 5 ҳазору 223 гектарро заминҳои аз истифода берун ташкил медиҳанд.  Камшавии заминҳои аз истифода берун нисбат ба соли 2018  чор баробар зиёд гардида, то ҳол дар ин самт чораҳои дахлдор амалӣ шуда истодаанд»,- гуфт Ориф Хоҷазода.

Ҳамчунин ӯ илова намуд, ки танҳо соли гузашта, 468 гектар заминҳои нав аз худ карда шудаанд, ки аз он 410 гектараш обӣ мебошад. Ғайр  аз ин 919 гектар заминҳои лалмӣ ба заминҳои обӣ гузаронида шуданд.

Январь 31, 2020 14:18

Хабарҳои дигари ин бахш

Дар Душанбе доир ба иқтисодиёти рақамӣ ҳамоиш баргузор шуд
Таҳкими ҳамкории иқтисодию тиҷоратии вилояти Суғди Тоҷикистон ва Тотористон баррасӣ гардид
Дар Қазон Форуми байналмилалии энергетикии Тотористон – «ЭНЕРГОПРОМ-2025 ва намоишгоҳи «KazanEnergyExpo» доир гардид
Дар ҷаласаи 66-уми Шурои электроэнергетикии ИДМ иқтидори гидроэнергетикии Тоҷикистон баррасӣ гардид
Дар Тоҷикистон беш аз 900 гармхонаи доимамалкунанда мавҷуд аст
Ифтитоҳи парвозҳои мустақим дар хатсайри Душанбе-Пекин ва Душанбе-Гуанжоу баррасӣ шуд
«НАВРӮЗ-ҚАДИМТАРИН МЕРОСИ ФАРҲАНГИ САЙЁҲӢ ДАР МИНТАҚА». Муколамаи минтақавии Тоҷикистон, Қирғизистон ва Узбекистон баргузор гардид
Дар ноҳияҳои кӯҳистони вилояти Хатлон паҳншавии малах ба мушоҳида мерасад
Долони нави мустақими ҳавоии байни Тоҷикистон ва Чин — POMIR-AGVUT ба масири транзитӣ табдил дода мешавад
Соли 2025 ҳаҷми грантҳои президентӣ ба 15 миллион сомонӣ расонида мешавад
Тоҷикистон бо ширкати СЕЕС-и Чин дар самти манбаъҳои барқароршавандаи энергия ҳамкорӣ менамояд
Форуми II байналмилалии «Суғд-чорроҳаи роҳи бузурги абрешим» баргузор мегардад