Соҳибкори маҳаллӣ дар Дарвоз барои ҳамдеҳагонаш бунгоҳи тиббӣ бунёд кард

Январь 9, 2020 17:06

ДАРВОЗ, 09.01.2020 /АМИТ «Ховар»/. Дар деҳаи Паткуноби ҷамоати деҳоти Қалъаихумби ноҳияи Дарвоз бунгоҳи муосири тиббӣ бунёд гардид. Онро соҳибкори маҳаллӣ Субҳониддин Садриддин аз ҳисоби буҷаи хонаводаи худ бино кард.

Ин соҳибкори ватанӣ гуфт, ки соли равон қасди сафари ҳаҷ дошт ва бо ин мақсад  70 ҳазор сомонӣ ҷамъ овард. Аммо дар як суҳбати хонаводагӣ аҳли оилааш пешниҳод карданд, ки бо ин маблағ беҳтар аст барои ҳамдеҳагонаш бунгоҳи тиббӣ бунёд намояд.

“Ман ин таклифи аъзои оиларо бо хушнудӣ қабул кардам. Дар ҳақиқат сокинони деҳаи мо ба ёрии аввалини тиббӣ сахт ниёз доранд. Баъзан барои санҷидани фишори хун ва ё эмгузаронии кӯдакон сокинони деҳа маҷбур мешуданд, ки масофаи 6 километр роҳро тай намуда, ба деҳаи ҳамсояи Дробак раванд. Акнун ин мушкилӣ паси сар шуд”, -изҳор дошт Субҳониддин Садриддин.

Соҳибкор аз он изҳори хурсандӣ намуд, ки дили садҳо нафар аз ҳамдеҳагонашро дар ин соли нав шод намудааст, зеро бузургон ҳам фармудаанд, ки ба даст овардани як дил баробари зиёрати ҳазорбораи Каъба аст.

Деҳаи Паткуноб яке аз деҳоти ободу зебои вилоят ба шумор меравад ва бо истироҳатгоҳи «Чорчаман»-и худ, ки бо дастур ва ҳидояти Пешвои миллат бунёд гардидааст, дар байни сокинони мамлакат маъруф аст.

Раиси ҷамоати деҳоти Қалъаихумб Шаҳригул Бодурова ин кори хайри соҳибкори маҳаллиро барои дигар соҳибкорони ҷамоати деҳот шоистаи ибрат хонда, гуфт, ки Пешвои миллат дар Паёми навбатии худ ба Маҷлиси Олии ҷумҳурӣ аз фаъолияти он соҳибкороне, ки дар ободии шаҳру деҳоти мамлакат саҳм мегузоранд, ситоиш карда, изҳор доштанд, ки «акнун вақти он расидааст, ки маъракаи бунёди мактабҳо ва боғчаву кӯдакистонҳоро вусъат бахшида, дар ин кори хайр ҳама якҷо саъю талош кунем ва саҳми худро барои ояндаи давлату миллат гузорем, яъне ғами фарзандони худро хӯрем».

Ба гуфтаи  раиси ҷамоати деҳот,  ин соҳибкори маҳаллӣ тасмим гирифтааст, ки дар ояндаи наздик дар канори бунгоҳи нави тиббӣ барои кӯдакону наврасони деҳа китобхона ва майдончаи варзишӣ бунёд намояд.

Январь 9, 2020 17:06

Хабарҳои дигари ин бахш

Беш аз 50 километр роҳҳои маҳаллии ноҳияи Деваштич мумфарш карда шуданд
Дар Муассисаи давлатии Хона-интернати пиронсолон ва маъюбони ноҳияи Ёвон чоҳи амудӣ ба истифода дода шуд
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд Маҷмааи варзишии «Суғд-Арена» бунёд мегардад
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
35-СОЛАГИИ ИСТИҚЛОЛИЯТИ ДАВЛАТӢ. Дар Хуҷанд инфрасохтори муҳими коммуналӣ навсозӣ карда мешавад
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст