Раиси КМИР Бахтиёр Худоёрзода бо Раиси Кумитаи иҷроия-котиби иҷроияи ИДМ Сергей Лебедев мулоқот намуд

Февраль 28, 2020 13:57

ДУШАНБЕ, 27.02.2020. /АМИТ «Ховар»/. Имрӯз Раиси Комиссияи марказии интихобот ва раъйпурсии /КМИР/ Ҷумҳурии  Тоҷикистон Бахтиёр Худоёрзода дар доираи омодагӣ ба интихоботи Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ бо Раиси Кумитаи иҷроия-котиби иҷроияи Иттиҳоди Давлатҳои Мустақил /ИДМ/ Сергей Лебедев мулоқот намуд. 

Хабарнигори АМИТ «Ховар» иттилоъ медиҳад, ки дар вохӯрӣ рафти омодагӣ ба маъракаи муҳими сиёсии дарпешистода ва масъалаҳои марбут ба баргузории он мавриди баррасӣ қарор гирифтанд.

Раиси КМИР Бахтиёр Худоёрзода изҳор намуд, ки Комиссияи марказии интихобот ва раъйпурсии /КМИР/ Ҷумҳурии  Тоҷикистон дар доираи талаботи қонунгузории интихоботии Ҷумҳурии Тоҷикистон ва дар асоси Нақшаи тақвимии чорабиниҳои асосӣ оид ба тайёрӣ ва гузаронидани интихоботи аъзои Маҷлиси миллии Маҷлиси Олии Ҷумҳурии Тоҷикистон, вакилони  Маҷлиси намояндагони Маҷлиси Олӣ ва  Маҷлисҳои маҳаллии вакилони халқ тамоми чорабиниҳои вобаста ба омодагӣ ва баргузории интихоботи Маҷлиси Олиро саривақт амалӣ карда, ба тамоми иштирокчиёни раванди интихобот шароити баробар муҳайё намудааст.

Раиси Кумитаи иҷроия-котиби иҷроияи ИДМ Сергей Лебедев зикр намуд, ки Миссияи мушоҳидони байналмилалӣ аз ИДМ аз 10 нафар давлати иттиҳод иборат мебошад. «Онҳо шурӯъ аз 10 -уми феврал бо роҳбарони мақомоти марбутаи Тоҷикистон мулоқот намуда, бо шароиту имконоти мавҷуда дар ҳавзаву участкаҳои интихоботии 21 шаҳру ноҳия аз наздик шинос шуданд. Баъди корҳои анҷомдодашуда, ба хулоса омадем, ки омодагӣ ба ин маъракаи сиёсӣ дар Ҷумҳурии  Тоҷикистон дар фазои ором, демократӣ ва мутобиқ  ба талаботи қонунгузории интихоботи амалкунандаи ҷаҳонӣ ҷараён дорад», -гуфт роҳбари гурӯҳи нозирони ИДМ Сергей Лебедев.

Дар оихир ҷонибҳо изҳори боварӣ карданд, ки интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ нафарони арзанда ва донишманду матиниродаро сари кор хоҳад овард. Ва мардум бо раъйи худ номзади арзандаи хешро ба ин мақоми пурифтихор пешбарӣ менамоянд.

Февраль 28, 2020 13:57

Хабарҳои дигари ин бахш

Дар Душанбе бо вакилони Маҷлиси қонунгузории вилояти Свердловски Федератсияи Русия мулоқот доир гардид
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Парчами давлатӣ бошукуҳ таҷлил гардид
Вакилони Маҷлиси намояндагон дар кори комиссияҳои Ассамблеяи Байнипарлумонии СААД иштирок намуданд
Дар Парлумон «Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024» баррасӣ гардид
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон Парвина Меликова ба ин савол посух дод
Рушди ҳамкории парлумонии Тоҷикистон ва Чин баррасӣ гардид
Ҳайати Тоҷикистон дар ҷаласаи Ассамблеяи байнипарлумонии ҷавонони давлатҳои аъзои Иттиҳоди Давлатҳои Мустақил иштирок намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи 56-уми пленарии Ассамблеяи Байнипарламентии давлатҳои иштирокчии ИДМ иштирок ва суханронӣ намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Конфронси байналмилалӣ бахшида ба 95-солагии Чингиз Айтматов иштирок намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи Шурои Ассамблеяи байнипарлумонии давлатҳои иштирокчии ИДМ иштирок намуданд
«САДОҚАТ БА ПРЕЗИДЕНТ — САДОҚАТ БА МИЛЛАТ АСТ». Дар Маҷлиси намояндагон бахшида ба Рӯзи Президенти Ҷумҳурии Тоҷикистон ҳамоиши тантанавӣ баргузор гардид