Ҷаласаи навбатии Кумитаи ҷумҳуриявии ҳамоҳангсозии мусоидат ба шуғли аҳолӣ дар Тоҷикистон доир гардид

Июнь 27, 2020 09:36

ДУШАНБЕ, 27.06.2020. /АМИТ «Ховар»/. 26 июн дар Вазорати меҳнат, муҳоҷират ва шуғли аҳолии Ҷумҳурии Тоҷикистон ҷаласаи навбатии Кумитаи ҷумҳуриявии ҳамоҳангсозии мусоидат ба шуғли аҳолӣ баргузор гардид. Дар ин бора АМИТ «Ховар» бо истинод ба Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад.

Бино ба иттилоӣ манбаъ, дар ҷаласа Вазири меҳнат, муҳоҷират ва шуғли аҳолии Ҷумҳурии Тоҷикистон, муовини раиси Кумитаи ҷумҳуриявии ҳамоҳангсозии мусоидат ба шуғли аҳолӣ Гулрӯ Ҷабборзода, муовинони вазирони молия, маориф ва илм, кумитаҳои кор бо занон ва оила ва ҷавонон ва варзиш иштирок намуданд.

Дар ҷаласа масъалаҳо «Дар бораи натиҷаҳои фаъолияти кумитаи ҳамоҳангсозии мусоидат ба шуғли аҳолӣ дар ВМКБ» ва «Оид ба иҷрои қарори Ҳукумати Ҷумҳурии Тоҷикистон аз 31 августи соли 2018, «Дар бораи тадбирҳои татбиқи Фармони Президенти Ҷумҳурии Тоҷикистон аз 14 августи соли 2018, дар шаҳру ноҳияҳои Роғун, Ҳисор, Файзобод, Нуробод ва Лахш» баррасӣ шуданд.

Дар фарҷом ҷаласа аз рўи масъалаҳои муҳокимашуда қарорҳои дахлдор қабул гардиданд.

Ёдовар мешавем, ки бо мақсади ба роҳ мондани муколамаи иҷтимоӣ барои муайян ва амалӣ гардонидани сиёсати шуғли аҳолии Ҷумҳурии Тоҷикистон дар доираи ҳамкории сетарафаи байни Ҳукумати Ҷумҳурии Тоҷикистон, Федератсияи иттифоқҳои касбаи мустақили Тоҷикистон ва Иттиҳодияи корфармоён ҷиҳати таҳияи қарорҳо, пешниҳодҳо ва тавсияҳои мувофиқакардашуда Кумитаи ҷумҳуриявии ҳамоҳангсозии мусоидат ба шуғли аҳолӣ таъсис дода шудааст, ки фаъолияти ташкилоту муассисаҳоро новобаста ба шакли моликияташон дар самти бокортаъминкунии аҳолии бешуғл ҳамоҳанг месозад.

Июнь 27, 2020 09:36

Хабарҳои дигари ин бахш

Дар Кӯлоб доир ба нақши хизматчиёни давлатӣ дар пешгирии шомилшавии шаҳрвандон ба ҳизбу ҳаракатҳои ифротгаро вохӯрӣ баргузор гардид
Маҳфили омӯзишии «Пайравони Пешвои миллат» ҷамъбаст гардид
ТАВАҶҶУҲ! Аз 1 июн то 31 август ба ҳаракати воситаҳои нақлиёт дар роҳи Душанбе-Чаноқ маҳдудият ворид мешавад
МАВСИМИ ОББОЗӢ ФАРО МЕРАСАД! Кумитаи ҳолатҳои фавқулодда ва мудофиаи гражданӣ ҳушдор медиҳад
Дар Душанбе бо мақсади беҳтаршавии сифати хизматрасонии нақлиёти мусофирбари пойтахт вохӯрии гурӯҳи корӣ доир гардид
ИМРӮЗ — РӮЗИ АДВОКАТҲО. Соли 2015 аввалин маротиба дар таърихи адвокатураи тоҷик Иттифоқи адвокатҳои Тоҷикистон таъсис дода шуд
Ҳайати Тоҷикистон дар конфронси минтақавии Қазоқистон иштирок намуд
Дабири кулли СММ Антониу Гутерриш: «Давомнокии умр дар ҷаҳон беш аз 50 дарсад афзудааст»
Дар Душанбе масъалаи тамоюли пастравии гардиши ғайриқонунии маводи мухаддир ва қочоқи силоҳ муҳокима гардид
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар Душанбе лоиҳаи ин озмуни ҷумҳуриявиро баррасӣ карданд
Омбудсмени Тоҷикистон ба ҳодисаи лату кӯби донишҷӯёни тоҷик дар шаҳри Комсомолски лаби Амур вокуниш намуд
Академияи миллии илмҳои Тоҷикистон бо якчанд муассисаи илмии Чин созишномаи ҳамкорӣ ба имзо расонид