АМАЛИЁТИ ШАРТИИ «ЧАРОҒАКИ ШУЪЛАВАР». Дар Душанбе соҳибони 65 адад автомашинаҳои дорои сигналҳои махсуси овозӣ боздошт гардиданд
ДУШАНБЕ, 12.06.2020 /АМИТ «Ховар»/. Кормандони бахшҳои бозрасӣ ва оперативии милитсияи шаҳри Душанбе таҳти унвони шартии «Чароғаки шуълавар» амалиёти махсус гузаронида, давоми 3 рӯз 65 ҳолати насбу истифодабарии сигналҳои махсуси овозӣ ва чароғаки шуълавари нурафшонро ошкор намуданд. Ҳуқуқвайрокунандагон ба Раёсати ВКД дар шаҳри Душанбе дастрас карда шуданд.
Тавре ба АМИТ «Ховар» аз Раёсати ВКД дар шаҳри Душанбе хабар доданд, ба ҳамин монанд 47 нафар ронандагони дигар ба мақомоти милитсияи пойтахт дастрас ва нисбаташон бо моддаи 316 Кодекси ҳуқуқвайронкунии Ҷумҳурии Тоҷикистон парвандаҳои маъмурӣ тартиб дода шуданд.
«Воситаҳои нақлиёт то бартараф намудани камбудиҳои ҷойдошта бо мусодира намудани асбобу таҷҳизоти ғайристандартӣ дар майдончаҳои махсуси Раёсати ВКД дар шаҳри Душанбе ва ШБДА боздошт мешаванд», — тазаккур доданд аз Раёсати ВКД дар шаҳри Душанбе.
Истифодаи сигналҳои овозии гушхарош бо овози баланд ва чароғакҳои равшанидиҳандаи ғайристандартӣ ба бехатарии роҳ хатар эҷод карда, ба шаҳрвандони пойтахт, бахусус пиронсолон, ки гирифтори бемориҳои музмин мебошанд, мушкилоти зиёдеро ба бор меорад.
Тибқи мушоҳидаҳо, вақтҳои охир як зумра ронандагон аз ҳисси ҳавобаландӣ ва худнамоӣ дар воситаҳои нақлиёташон ба таври худсарона сигналҳои дорои овози махсус ва чароғи фурӯзони шуълаварро насб намуда, дар ҳудуди роҳҳои нақлиётгарди пойтахт ба ҳаракати бехатари дигар иштирокчиёни роҳ халал ворид менамоянд. Мутобиқи муқаррароти қонунгузории Ҷумҳурии Тоҷикистон, истифодаи сигналҳои махсуси овозӣ ва чароғи шуълавари фурӯзон танҳо ба воситаҳои нақлиёти махсуси хизматӣ, аз ҷумла Бозрасии давлатии автомобилӣ, Бозрасии ҳарбии автомобилӣ, Хадамоти сухторнишонӣ, Ёрии таъҷилӣ, Раёсати истифодабарии роҳҳо ва Хадамоти давлатии «Почтаи тоҷик» ҳангоми иҷрои супоришҳои таъҷилии хизматӣ мавриди истифода қарор дода мешавнад.
Ёдовар мешавем, ки тибқи талаботи Қарори Ҳукумати Ҷумҳурии Тоҷикистон таҳти рақами 367 аз 5 декабри соли 2013 воридоти чунин сигналҳои махсуси овозӣ ва нурафшон ба ҳудуди кишвар қатъиян манъ мебошад. Вале, мутаассифона, ба ин нигоҳ накарда, чунин таҷҳизоти ғайристандартӣ ба бозорҳои дохилӣ роҳ меёбад. Ронандагон онҳоро харидорӣ намуда, ғайриқонунӣ дар мошинҳои худ насб мекунанд.
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
