ХИЗМАТЧИЁНИ ДАВЛАТИИ ТОҶИКИСТОН БОЯД ДАР БОРАИ ДАРОМАДҲОИ ХУД ТО 1 АПРЕЛ ҲИСОБОТ ДИҲАНД. Кумитаи андози ҷумҳурӣ тартиби пешниҳоди эъломияҳоро сода кард
ДУШАНБЕ, 25.02.2021 /АМИТ «Ховар»/. Хизматчиёни давлатии Тоҷикистон, ки шумораи онҳо то имрӯз тақрибан 20 ҳазор нафарро ташкил медиҳад, тибқи қонунгузорӣ вазифадоранд ҳар сол то аввали апрел ба мақомоти андоз дар бораи даромади солонаи худ ва манбаъҳои асосии онҳо ҳисобот диҳанд.
Хизматчиёни давлатӣ дар Тоҷикистон 17 сол пеш ба пешниҳоди эъломияҳо дар бораи даромадҳои худ шурӯъ карданд. Пештар дар эъломия дар бораи вазъияти амвол ба ҷуз аз амволи ғайриманқул ва мошинҳо, онҳо бояд шумораи ҳайвонот, парандаҳо, пасандозҳо, металлҳо ва сангҳои қиматбаҳоро низ нишон медоданд.
Ҳукумати Тоҷикистон соли гузашта шакли нави эъломияҳо дар бораи даромадҳо ва амволи хизматчиёни давлатиро қабул ва онҳоро муваззаф кард, ки даромадҳо аз ҳисоби фаъолияти илмию эҷодӣ ва омӯзгорӣ, даромад аз амвол ва замини ба иҷора додашуда, даромад аз қитъаи замини наздиҳавлигӣ, инчунин даромад аз пасандозҳои бонкӣ ва коғазҳои қиматнокро низ нишон диҳанд.
Бо мақсади осон кардани пешниҳоди эъломияҳо Кумитаи андози назди Ҳукумати Тоҷикистон чанде пеш барномаи махсуси компютериеро таҳия ва ба кор даровард, ки он имкон медиҳад эъломияҳо дар шакли электронӣ пешниҳод карда шаванд.
Дар сомонаи расмии идора гӯшаи «Кабинети шахсии андозсупоранда» мавҷуд аст, ки барои шахсони мансабдори Тоҷикистон тартиби пешниҳоди эъломияҳоро оид ба даромадҳо осон мекунад. Инчунин тамоми шаҳрвандоне, ки дар ин захираи интернетӣ сабти ном шудаанд, метавонанд аз ин манбаи иттилоотӣ барои ҷамъоварӣ ва интиқоли тамоми маълумот ва ҳуҷҷатҳои зарурӣ мустақиман ба Кумитаи андоз истифода баранд.
Зикр шудааст, ки ҳамаи хадамоти минтақавии андоз бояд хизматчиёни давлатиро, ки эъломияҳои андоз аз даромадро дар шакли электронӣ то 1 апрели соле, ки пас аз ҳисоботӣ меояд, пешниҳод ва сабти ном кунанд. Ғайр аз ин, ҳама тоҷикистониён ҳангоми ворид шудан ба хизмати давлатӣ бояд сабти ном шаванд.
Идора хотиррасон кард, ки тибқи қонунгузории Тоҷикистон, ҳамаи хизматчиёни давлатӣ, инчунин шаҳрвандони кишвар, ки ба хизмати давлатӣ ворид мешаванд, вазифадоранд ин қоидаҳоро риоя кунанд. Дар айни ҳол нодурустии маълумоти дар эъломия пешниҳодшуда ё ба мақомоти андоз пешниҳод накардани эъломияи даромад метавонад сабаби аз кор озод кардан ё рад кардани қабул ба хизмати давлатӣ гардад.
АКСИ тасвирӣ
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
Президенти Тоҷикистон: «Дар 5 соли охир аз ҷониби низоми бонкии мамлакат беш аз 80 миллиард сомонӣ қарз дода шуд»
Ба иқтисодиёти вилояти Суғд 320,8 миллион доллари ИМА сармояи ватанию хориҷӣ ҷалб гардид
Тоҷикистон ва Эрон ҳамкории гумрукиро тақвият медиҳанд
Дар Тоҷикистон марҳилаи рамзгузории электронӣ ба воситаҳои доруворӣ ва молҳои тиббӣ оғоз мегардад
