Дар Исфара ба оилаҳои зарардида кумак расонида шуд

Май 4, 2021 09:33

ДУШАНБЕ, 04.05.2021 /АМИТ «Ховар»/. Дар Ҷамоати деҳоти Чоркӯҳи шаҳри Исфара ба 8 оилае, ки дар муноқишаҳои наздисарҳадии рӯзҳои охир аъзои он қурбон шуданд, инчунин ба 16 оилаи захмбардоштагон, 16 оилаи зарардида ва 10 оилаи маъюбдошта маводи хӯрока,  аз қабили орд, равған, биринҷ ва шакар кӯмак расонида шуд. 

Тавре аз Кумитаи иҷроияи ҲХДТ дар шаҳри Исфара ба АМИТ  «Ховар» хабар доданд, иқдоми мазкур аз ҷониби вакили Маҷлиси вакилони халқи вилоят ва шаҳри Исфара Савриддин Раҷабов, раиси ҷамоати деҳоти Чоркӯҳ Шукурҷон Насриев ва раиси Кумитаи иҷроияи ҲХДТ дар шаҳри Исфара Суруридин Зиёваддинзода дар асоси дастуру супоришҳои Асосгузори сулҳу ваҳдати миллӣ- Пешвои миллат, раиси муаззами Ҳизби Халқии Демократии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ гардида, минбаъд низ идома меёбад.

Номбурдагон ба оилаҳои зикршуда рафта, бо шароити  зисти онҳо шинос шуда, кумакро дастрас намуданд.

Ёдовар мешавем, ки бо дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ситоди корӣ ташкил гардида, манзилҳои истиқоматии сокиноне, ки бар асари муноқишаҳои марзӣ, ки охири моҳи апрели соли равон рух доданд,  хароб шудаанд, дар муддати як моҳ пурра барқарор мешаванд. Дар ин бора 3 май Раиси вилояти Суғд Раҷаббой Аҳмадзода зимни машварати корӣ изҳор дошт.

Тавре АМИТ «Ховар» бо истинод ба хадамоти матбуоти Раиси вилояти Суғд хабар медиҳад, хонаҳои нафароне, ки аз даргириҳо осеб дидаанд, дар фурсатҳои кутоҳтарин ба таъмир фаро гирифта мешаванд. Ҳамзамон аз тарафи давлат ба оилаҳои зарардида, захмиён ва қурбоншудагон кӯмакҳои моливу пулӣ дастрас мегардад.

Май 4, 2021 09:33

Хабарҳои дигари ин бахш

ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Дар ноҳияи Кӯшониён ярмаркаи либоси мактабӣ доир шуд
ОБУ ҲАВО: Имрӯз дар вилояти Хатлон ҳаво то 34+39 дараҷа гарм мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Ба 70 нафар хонандагони муассисаҳои таҳсилоти миёнаи умумӣ Стипендияи Раиси вилояти Хатлон дода мешавад
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Нахустин ҷаласаи Платформаи миллӣ оид ба паст кардани хавфи офатҳои табиӣ дар соли 2021 доир шуд
Дар ҷаласаи Комиссияи байниидоравӣ танзими фаъолияти воситаҳои нақлиёти гаронвазн ва рақамикунонии соҳаи роҳу нақлиёт баррасӣ шуд
ОБУ ҲАВО: Имрӯз дар шаҳри Душанбе ҳаво 32+34 дараҷа гарм мешавад

Маводҳои таҳлилӣ