Темур, Ҷаҳонгир, Муҳаммадшариф ва Ориф шоҳҷоизаҳои мусобиқаи байналмилалии гӯштини миллиро соҳиб гардиданд
ДУШАНБЕ, 28.06.2021 /АМИТ «Ховар»/. Шоми 27 июни соли равон дар Муассисаи давлатии «Наврӯзгоҳ»-и шаҳри Душанбе бахшида ба Рӯзи Ваҳдати миллӣ мусобиқаи байналмилалии гӯштини миллӣ баргузор гардид. Дар ин бора шореҳи варзиши АМИТ «Ховар» Меҳрони Қурбон хабар медиҳад.
Дар ин мусобиқа паҳлавонон аз Ҷумҳуриҳои Тоҷикистон, Ӯзбекистон, Қазоқистон, Озарбойҷон, Қирғизистон, Федератсияи Россия, Ҷумҳуриҳои Исломии Эрон ва Афғонистон, инчунин Давлати Кувайт иштирок карданд. Дар рафти қувваозмоӣ паҳлавонони тоҷик фаъолона иштирок намуда, дар вазнҳои -65 кг, -75, кг, -90 кг ва +90 кг чаҳор зинаи аввал ва шоҳҷоизаи мусобиқаро ба даст оварданд.
Миёни вазни -65 кг паҳлавони ҷавони тоҷик Ориф Додов дар даври ниҳоӣ бо шикаст додани паҳлавони ӯзбек Дилшод Бӯриев нишони тиллои мусобиқаро ба даст овард. Зинаи сеюмро паҳлавонон Хайрандеш Муродзода аз Тоҷикистон ва Муҳаммад Юсуф Шуайб аз Афғонистон ишғол карданд.
Маҳмадшариф Наҷмиддинов, паҳлавони тоҷик, ки зодаи ноҳияи Файзобод аст, дар вазни -75 кг бо шикаст додани паҳлавони ӯзбек Улуғбек Отамуродов шоҳҷоизаи дигари мусобиқаро ба даст овард. Ду зинаи сеюмро Мирлан Эралиев аз Қирғизистон ва Мирзоҷамил Рамазанов аз Тоҷикистон касб карданд.
Дар вазни -90 кг бошад, паҳлавони номдори тоҷик Ҷаҳонгир Маҷидов маҳорати баланди касбӣ нишон дода, дар даври ниҳоӣ бо мағлуб кардани Эркин Қазоқови ӯзбек шоҳҷоизаи сеюмро ба даст овард. Нишони биринҷии ин вазнро Арам Григорян аз Россия ва Ҳамроз Раҷабов аз Тоҷикистон ба даст оварданд.
Дар вазни ҷамъи 90 кг миёни сангинвазнҳо паҳлавони маъруфи тоҷик Темур Раҳимов бо шикаст додани паҳлавони эронӣ Иброҳим Шаҳриёр нишони тилло ва шоҳҷоизаи мусобиқаро ба даст овард. Зинаи сеюмро ду паҳлавони ӯзбек Шариф Назриев ва Яҳё Имомов ишғол карданд.
Мавриди зикр аст, ки гӯштини миллии тоҷикӣ яке аз намудҳои шинохтаи варзиш ба ҳисоб рафта, сол то сол дар дохил ва хориҷи кишварамон маъруфият касб карда истодааст.
Ғолибони мусобиқаи гӯштини миллӣ
Вазни 65кг
- ОРИФ ДОДОВ (ТҶК)
- Буриев Дилшод (ӮЗБ)
- ХАЙРАНДЕШИ МУРОДЗОДА (ТҶК)
- Муҳаммад Юсуф Шуйаб (АФҒ)
Вазни 75кг
- МУҲАММАДШАРИФ НАҶМИДДИНОВ (ТҶК)
- Улуғбек Отабмуродов (ӮЗБ)
- Мирлан Эралиев (ҚГЗ)
- МИРЗОҶАМИЛ РАМАЗОНОВ (ТҶК)
Вазни 90кг
- ҶАҲОНГИР МАҶИДОВ (ТҶК)
- Эркин Қазоқов (ӮЗБ)
- Арам Григорян (РУС)
- ҲАМРОЗ РАҶАБОВ (ТҶК)
Вазни +90кг
- ТЕМУР РАҲИМОВ (ТҶК)
- Ҷарҷал Иброҳим Шаҳриёр (ЭРН)
- ШАРИВ НАЗРИЕВ (ТҶК)
- Яҳё Имонов (ӮЗБ)








Варзишгарони тоҷик дар Чемпионати Осиё оид ба гӯштини қазоқ кураш дар Қазоқистон соҳиби чор медал гардиданд
БОЗИҲОИ ОСИЁӢ. Шумораи медалҳои варзишгарони навраси тоҷик ба 19 адад расид
БОЗИҲОИ ОСИЁӢ. Шумораи медалҳои варзишгарони навраси тоҷик ба 15 адад расид
«Истиқлол» бар дастаи футболи «Равшан»-и шаҳри Кӯлоб дар бозии охири даври 20-уми Лигаи олии Тоҷикистон ғолиб омад
«Регар-ТадАЗ» дар марҳилаи гурӯҳии Лигаи даъвати КФО-2025/26 бо дастаи футболи Ал-Арабӣ»-и Кувайт бозӣ кард
БОЗИҲОИ ОСИЁӢ. Варзишгарони навраси тоҷик дар ин мусобиқа соҳиби 12 медал гардиданд
Варзишгарони собиқадори тоҷик дар Чемпионати ҷаҳон оид ба самбо соҳиби 10 медал гаштанд
Дастаи мунтахаби наврасони Тоҷикистон (U-17) бо дастаи Кореяи Ҷанубӣ бозии санҷишӣ анҷом дод
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард






