Бо ибтикори Палатаи савдо ва саноат беш аз 300 нафар соҳибкорон аз намоишгоҳҳои хориҷӣ боздид намуданд

Июль 14, 2021 16:00

ДУШАНБЕ, 14.07.2021 /АМИТ «Ховар»/. Бо мақсади шинос шудан бо навигариҳои технологияи муосири истеҳсолӣ ва пайдо намудани шарикони ҳамкор бо мусоидати Палатаи савдо ва саноати Ҷумҳурии Тоҷикистон соли равон 30 нафар соҳибкорони ватанӣ бевосита ва беш аз 350 нафар соҳибкорон ба таври маҷозӣ аз намоишгоҳҳои хориҷӣ  дидан намуданд. Дар ин хусус 14 июл муовини аввали Раиси Палатаи савдо ва саноати Ҷумҳурии Тоҷикистон Насимҷон Анваров ба намояндагони воситаҳои ахбори омма иттилоъ дод.

Аз ҷумла, доираҳои соҳибкорони ватанӣ ва намояндагони корхонаю  ширкатҳои истеҳсолӣ, назири «Армуғон», Комбинати Шири Кӯлоб, Кооперативи истеҳсолии Имоми Аъзам, «Авангард», «Сайфи Қодир», Агентии таъминоти амволи махсуси назди Ҳукумати Ҷумҳурии Тоҷикистон моҳи март дар шаҳри Биг Ноидаи Ҳиндустон дар Намоишгоҳи байналмилалии хӯрокворӣ ва нӯшокиҳои «INDUS FOOD – 2021» иштирок намуда, бо ҳамтоёни худ аз кишварҳои хориҷӣ ҷиҳати ба роҳ мондан ва тақвияти ҳамкорӣ гуфтушунид намуданд.

Инчунин дар маросими ифтитоҳи намоишгоҳи «Namaskar Eurasia Expo», ки дар шакли видеоконфронс доир гардид, роҳбарияти палатаҳои савдо ва саноати Тоҷикистон, Туркманистон, Ӯзбекистон, Қирғизистон, Федератсияи палатаҳои савдо ва саноати Ҳиндустон, инчунин корпусҳои дипломатии кишварҳои Осиёи Марказӣ ва Ҳиндустон ширкат варзида, масъалаҳои марбут ба тавсеаи ҳамкории мутақобилан судмандро матраҳ намуданд.

Роҳбарияти Палатаи савдо ва саноати мамлакат гуфт, ки  соли равон ба узвияти Палата 14 корхонаю ташкилоти нав ҷалб гардида, дар маҷмӯъ аъзои Палата ба 849 нафар адад расонида шуд, ки 319 нафар  ба шаҳри Душанбе ва навоҳии тобеи марказ, 272 нафар ба Суғд, 224 нафар ба Хатлон ва 34 нафар ба Бадахшон рост меояд.

Бо натиҷагирӣ аз фаъолияти Палатаи савдо ва саноати мамлакат Насимҷон Анваров зикр намуд, ки имсол Палатаи савдо ва саноати Тоҷикистон тасмим гирифтааст мувофиқи нақшаи корӣ чорабиниҳоро ҷиҳати  амалӣ намудани супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба саноатикунонии ҷумҳурӣ,  инчунин барои дар сатҳи баланд таҷлил намудани ҷашни 30-солагии Истиқлоли давлатии Ҷумҳурии Тоҷикистон, зиёд намудани иқтидори содиротии кишвар ва амалӣ намудани барномаҳои иқтисодии Ҷумҳурии Тоҷикистон амалӣ намояд.

Июль 14, 2021 16:00

Хабарҳои дигари ин бахш

Байни Тоҷикистон ва Чин долони нави ҳавоӣ ифтитоҳ гардид
Тоҷикистон ва Чин тақвияти ҳамкории авиатсиониро баррасӣ намуданд
Тоҷикистон ва Бонки ҷаҳонӣ масъалаи тезонидани бунёди марказҳои агрологистикиро баррасӣ намуданд
НИГОҲДОРИИ РОҲҲО ДАР ЗИМИСТОН. Масъулини Вазорати нақлиёти Тоҷикистон дар ин масъала гузориш доданд
Дар 30 корхонаи вилояти Суғд соли равон 3724 тонна равған истеҳсол шудааст
Дар Боку нахустин ҷаласаи муассисаҳои таълимии дорои ихтисоси сайёҳии давлатҳои аъзои Созмони ҳамкории иқтисодӣ доир гардид
Дар Душанбе Созишномаи қарзӣ байни Ҳукумати Тоҷикистон ва Фонди Саудии Рушд оид ба лоиҳаи НБО-и «Роғун» ба имзо расонида шуд
Султон Абдулраҳмон ал-Маршад: «Фонди Саудии Рушд Созишномаро оид ба ҷудо намудани 100 миллион доллари амрикоӣ барои сохтмони НБО-и «Роғун» ба имзо мерасонад»
Далер Ҷумъа: «Тоҷикистон метавонад дар бунёди бозори минтақавии неруи барқ саҳми арзанда гузорад»
Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
ПАРКҲОИ ТЕХНОЛОГӢ. Чаро онҳо мутобиқ ба талаботи замон фаъолият надоранд?