COVID-19: Шоҳигарии Арабистони Саудӣ ба Ҷумҳурии Тоҷикистон маводи тиббӣ кумак намуд
ДУШАНБЕ, 21.07.2021 /АМИТ «ХОВАР»/. 19 июл аз ҷониби Шоҳигарии Арабистони Саудӣ ба маблағи 500 ҳазор доллари амрикоӣ барои пешгирии паҳншавии бемории сироятии COVID -19 ба Ҷумҳурии Тоҷикистон маводи тиббӣ кумак расонида шуд.
Кумаки мазкур бо ибтикори подшоҳи Арабистони Саудӣ Шоҳ Салмон ибн Абдулазиз Оли Сауд дар арафаи Иди саиди Қурбон ба кишварҳои мусалмонии дӯсту бародари минтақа ва ҷаҳон ирсол гаштааст.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, маросими таҳвили маводи тиббӣ дар Сафорати Шоҳигарии Арабистони Саудӣ дар шаҳри Душанбе бо иштироки Сафири Фавқулода ва Мухтори Шоҳигарии Арабистони Саудӣ Валид ибн Абдурраҳмон Аррашидон ва муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед ва намояндагони Вазорати корҳои хориҷии Ҷумҳурии Тоҷикистон сурат гирифт.
Дар маросими мазкур ҷонибҳо аз самараи пурбори ҳамкории дуҷониба ва бисёрҷонибаи Ҷумҳурии Тоҷикистон ва Шоҳигарии Арабистони Саудӣ изҳори қаноатмандӣ намуда, иқдомҳои наҷибро маҳсули хиради сиёсӣ ва инсонии Пешвои миллат муҳтарам Эмомалӣ Раҳмон ва Подшоҳи Арабистони Саудӣ, ходими «Ҳарамайни Шарифайн» Салмон ибни Абдулазиз Оли Сауд номиданд.
Ёдовар мешавем, ки кумакҳои тиббӣ аз либосҳои тиббӣ, ниқобҳои муҳофизатӣ, дастпӯшакҳо, доруворӣ, маҳлулҳои безараркунӣ ва ғайра иборатанд.
АКСҲО: аз Вазорати тандурустӣ ва ҳифзи иҷтимоии аҳолии ҶТ
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
Доир ба танзими давлатии соҳаи истеҳсолоти иҷро машварати омӯзишӣ баргузор шуд
Дар Тоҷикистон аз 17 то 19 март бориши борон пешгӯӣ мешавад
ҒИЗОИ СОЛИМ. Пудина ва шибит бо хосиятҳои шифобахши худ маъруфанд
Дар Душанбе масъалаҳои мубрами таҳсилоти миёнаи касбӣ дар шароити рушди инноватсия ва рақамикунонӣ баррасӣ гардид
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
Дар Ню-Йорк масъалаҳои тавсеаи имкониятҳои занон дар Тоҷикистон баррасӣ гардид
Оид ба дурнамои нави ҳамкории Тоҷикистону Узбекистон конференсияи байналмилалӣ доир шуд
Муассисаҳои давлатии нигоҳдории роҳҳо зарари офати табииро дар роҳҳои мошингард бартараф менамоянд
