Дилафрӯз Саидӣ бо медали тиллои «Барои кори навоварона дар соҳаи маориф»-и Федератсияи Русия қадрдонӣ гардид

Август 27, 2021 14:05

ДУШАНБЕ, 27.08.2021/АМИТ «Ховар»/. Ректори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд  Дилафрӯз Саидӣ бо медали тиллои «Барои кори навоварона дар соҳаи маориф» (За инновации в области образования)-и Федератсияи Русия қадрдонӣ гардид, иттилоъ медиҳад  АМИТ «Ховар» бо истинод ба мақомоти иҷроияи ҳокимияти давлатии вилояти Суғд.

26 август дар Муассисаи давлатии «Кохи фарҳанги ба номи Абӯабдуллоҳи Рӯдакӣ» бахшида ба ҷашни бузурги миллӣ- 30-солагии Истиқлоли давлатии Ҷумҳурии Тоҷикистон конференсияи илмӣ — амалӣ таҳти унвони «Тоҷикистон дар шоҳроҳи Истиқлол» баргузор гардид.

Раиси вилояти Суғд Раҷаббой Аҳмадзода зимни баргузории конфронси илмӣ-амалӣ дар вазъияти тантанавӣ мукофоти мазкурро ба Дилафрӯз Саидӣ тақдим намуд.

Медали тиллои «Барои кори навоварона дар соҳаи маориф» ба Дилафрӯз Саидӣ аз рӯйи натиҷаҳои озмуне, ки аз ҷониби Академияи бисёрсоҳавии таҳсилоти давомдори Федератсияи Россия барои фаъолияти навоварона дар соҳаи маълумоти олӣ эълон шуда буд, тақдим гардид. Дилафрӯз Саидӣ бо пешниҳоди беш аз 30 шаҳодатномаи илмии донишкада, ки бештарашон дар соҳаи илмҳои техникӣ мебошанд, аз миёни тамоми муассисаҳои олии кишварҳои ИДМ ғолиби озмун дониста шудааст.

Чунин медали тилло бори нахуст ба яке аз роҳбарони муассисаҳои таҳсилоти олии Ҷумҳурии Тоҷикистон супурда шуда, ҳадаф аз он ҳавасмандсозии роҳбарони макотиби олӣ ва омӯзгорони навовар дар ташаккул ва муаррифии илм ва мудирият (менеҷмент)-и муосир мебошад.

Дилафрӯз Саидӣ номзади илмҳои техникӣ, дотсент ва узви вобастаи  Академияи илмҳои муҳандисии Тоҷикистон мебошад. Мавсуф рисолаи номзадиашро аз рӯи илмҳои техникӣ дар Русия ҳимоя кардааст.

АКСҲО аз мақомоти иҷроияи ҳокимияти давлатии вилояти Суғд ва манбаъҳои боз

Август 27, 2021 14:05

Хабарҳои дигари ин бахш

Дар Донишкадаи давлатии фарҳанг ва санъат бо мақсади татбиқи Консепсияи миллии тарбия вохӯрӣ доир шуд
Китобҳои ноширони тоҷик ба Намоишгоҳи байналмилалии «Китоби Абузабӣ» пешниҳод шуданд
Ҳунарманди халқии Тоҷикистон Асланшоҳ Раҳматуллоев аз олам даргузашт
«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон оғоз гардид
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид