«ЗЕБОӢ, ДОНОӢ ВА ТАВОНОӢ АЗ ВАРЗИШ АСТ». Таҳти ин унвон Фестивали дӯстии ҷавонону варзишгарони Душанбе баргузор шуд

Сентябрь 22, 2021 17:07

ДУШАНБЕ, 22.09.2021. /АМИТ «Ховар»/. Имрӯз дар шаҳри Душанбе дуюмин  Фестивали дӯстии ҷавонону  варзишгарони шаҳри Душанбе таҳти унвони «Зебоӣ, доноӣ ва тавоноӣ аз варзиш аст» баргузор гардид, иттилоъ доданд аз шуъбаи иттилооти дастгоҳи Раиси шаҳри Душанбе ба АМИТ «Ховар».

Фестивали мазкур бо дастуру супоришҳои Раиси шаҳри Душанбе Рустами Эмомалӣ доир гардида, дар он муовини Раиси шаҳри Душанбе Мавсума Муинӣ, муовини Раиси Кумитаи кор бо  ҷавонон ва варзиши назди Ҳукумати Ҷумҳурии Тоҷикистон Дилшод Назаров, Раиси Федератсияи Иттифоқи касабаи мустақили Ҷумҳурии Тоҷикистон Маликшо Неъматзода, роҳбарони муассисаҳои варзишӣ, устодону донишҷӯён ва варзишгарони маъруфи мамлакат аз ҳисоби  донишгоҳу донишкадаҳо, коллеҷу омӯзишгоҳҳо, муассисаҳои варзишии шаҳриву ҷумҳуриявӣ ва муассисаҳои таҳсилоти миёнаи умумии ҳудуди пойтахт иштирок намуданд.

Зикр гардид, ки ҳадаф аз ташкил ва баргузор намудани Фестивали дӯстии ҷавонону варзишгарони шаҳри Душанбе самаранок истифода намудани иншооти соҳаи варзиш, махсусан майдончаҳои варзишӣ ва бозии кӯдакона, пешбурди корҳои фаҳмондадиҳӣ бо сокинон ва наврасону ҷавонон ҷиҳати тозаю озода ва дар ҳолати коршоямӣ нигоҳ доштани майдончаҳои мазкур, ташкили мусобиқаҳои дӯстонаи варзишӣ миёни  ҷавонони маҳал, хонандагону донишҷӯён ва афсарону сарбозон мебошад. Он инчунин ҷиҳати таҳкими ҳаёти солим, ҷалби ҷавонон ба варзиш, пешгирии бемориҳои сироятӣ, хосатан пешгирии ҷавонону наврасон аз амалҳои номатлуби иҷтимоӣ ва тарбия намудани онҳо дар рӯҳияи ватандӯстию хештаншиносӣ, ҳушёриву зиракӣ, фарогирии масъалаҳои ҳаётӣ ва тарбияи инсонию ҷисмонӣ мебошад.

Меҳмонон ҳамчунин бо намоиши дастовардҳои ҷавонону варзишгарон, мактабҳои варзишии шаҳри Душанбе ва донишгоҳу донишкадаҳои  ҳудуди шаҳри Душанбе шинос гардиданд.

АКС аз Мақомоти иҷроияи ҳокимияти давлатии шаҳри Душанбе

Сентябрь 22, 2021 17:07

Хабарҳои дигари ин бахш

DUSHANBE.TRAVEL. Портали сайёҳии шаҳри Душанбе муаррифӣ карда шуд
«ДОНИШ ВА СУЛҲ». Дар муассисаҳои таълимии шаҳри Душанбе соли нави таҳсил оғоз гардид
Дар Душанбе Намоишгоҳи байналмилалии сайёҳӣ баргузор мегардад
Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид