Доир ба дурнамои ҳамкории кишварҳои узви СААД дар чаҳорчӯби мубориза бо таҳдиду хатарҳои муосир конфронс доир шуд

Октябрь 6, 2021 15:52

ДУШАНБЕ, 6.10.2021. /АМИТ «Ховар»/. Имрӯз дар Маркази тадқиқоти стратегии назди Президенти Ҷумҳурии Тоҷикистон дар мавзӯи «Дурнамои ҳамкории кишварҳои узви СААД дар чаҳорчӯби мубориза бо таҳдиду хатарҳои муосир» Конфронси илмию амалии байналмилалӣ   баргузор гардид, иттилоъ доданд ба хабарнигори АМИТ «Ховар» аз хадамоти матбуоти ин ниҳод.

Дар ҳамоиши мазкур намояндагони вазорату муассисаҳои марбутаи давлатӣ, марказҳову пажӯҳишгоҳҳои илмию таҳқиқотӣ, донишмандону коршиносон, дипломатҳои ваколатдори сафоратҳои Федератсияи Русия ва Ҷумҳурии Қазоқистон ширкат варзиданд.

Директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ баргузории ҳамоишро муҳим арзёбӣ намуда, ба иштирокчиёни он барори кор орзу намуд.

Дар конфронс доир ба мавзӯъҳои «Таҳдиду хатарҳо ба амният дар минтақаи зери масъулияти СААД ва дурнамои муқобилати дастҷамъона ба онҳо», «Асосҳои ҳуқуқии таъмини амният ва танзими низоъҳо дар доираи СААД», «Сиёсати СААД дар  муқовимат ба таҳдидҳои шабакавӣ», «Ҳамкории зиддимухаддиротии Ҷумҳурии Тоҷикистон дар доираи СААД», «Ҳамкории ҳарбӣ-сиёсии Тоҷикистон дар доираи СААД» ва ғайра маърӯзаҳои илмӣ шунида шуданд.

 

Аксҳо аз МТС

Октябрь 6, 2021 15:52

Хабарҳои дигари ин бахш

Дар Бохтар лоиҳаи «Шаҳри бехатар» амалӣ мегардад
Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд