Sputnik: Аврупо ба таҳкими марзи Тоҷикистон ва Афғонистон машғул мешавад
ДУШАНБЕ, 12.10.2021 /АМИТ «Ховар»/. Президенти Тоҷикистон Эмомалӣ Раҳмон ва Намояндаи олии Иттиҳоди Аврупо оид ба корҳои хориҷӣ ва сиёсати амниятӣ Ҷозеп Боррел дар бораи таҳкими марзи Тоҷикистон бо Афғонистон ба тавофуқ расиданд, навиштааст имрӯз агентии иттилоотии Русия Sputnik.
Иштироккунандагони музокироти дар Брюссел доиршуда таваҷҷуҳро ба таҳкими амният дар Афғонистон, Тоҷикистон ва тамоми Осиёи Марказӣ равона намуданд.
Эмомалӣ Раҳмон ва Ҷозеп Боррелл ба кӯшишҳои муштараки босамари ҷонибҳо дар ин самт, бахусус тақвияти ҳифзи сарҳади Тоҷикистон ва Афғонистон таъкид карданд,-омадааст дар иттилоия.
Боррелл ишора намуд, ки ИА ба таҳкими робитаҳои минтақавӣ ҳавасманд аст. Рушди ҳамкорӣ яке аз мавзӯъҳои нишасти қарибулвуқӯи вазирони корҳои хориҷии G5+1 дар Душанбе мешавад.
Ба ғайр аз ин, иштирокчиёни чорабинӣ натиҷаҳои мусбати ҳамкорӣ дар бахши энергетикаро зикр намуданд.
«Барои таҳкими робитаҳо иҷрои созишномаи шарикӣ миёни Тоҷикистон ва Иттиҳоди Аврупо, инчунин пайвастани ҷумҳурӣ ба системаи имтиёзҳои гумрукӣ барои содирот ба Аврупо зарур аст», — хабар доданд аз Хадамоти матбуоти Сарвари давлат.
Эмомалӣ Раҳмон ба ИА ва аъзои он барои дастгирии ташаббусҳои ҷаҳонии Тоҷикистон дар масъалаи об изҳори сипос намуданд. Дар навбати худ, Боррелл ба нақши муҳими ҷониби Тоҷикистон дар ҳалли мушкилоти об ва коҳиш додани пайомадҳои тағйирёбии иқлим баҳои баланд дод.
АКС: Хадамоти матбуоти Президенти ҶТ/АМИТ «Ховар»
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
