Дар Ашқобод вохӯрии вазирони корҳои хориҷии Тоҷикистон ва Туркманистон баргузор гардид

Ноябрь 27, 2021 10:53

ДУШАНБЕ, 27.11.2021 /АМИТ «Ховар»/. 26 ноябр дар шаҳри Ашқобод вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо муовини Раиси Девони вазирон, Вазири корҳои хориҷии Туркманистон Рашид Мередов баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад. 

Зимни вохӯрӣ ҷонибҳо роҷеъ ба масоили васеи муносибатҳои дуҷониба ва бисёрҷониба дар тамоми соҳаҳои қобили таваҷҷуҳи тарафайн табодули афкор анҷом доданд.

Ҷонибҳо ба аҳамияти тезонидани татбиқи тавофуқоти зимни сафари Президенти Ҷумҳурии Тоҷикистон муҳтарам Эмомалӣ Раҳмон ба Туркманистон дар моҳи августи соли 2021 ҳосилшуда таъкид намуданд.

Тамаркузи махсус ба тақвияти ҳамкорӣ дар соҳаҳои муҳим, аз ҷумла иқтисодиёт, савдо, бахши сӯзишворию энергетикӣ, нақлиёт ва логистика, кишоварзӣ, обию мелиоративӣ, саноати сабуку коркардашуда ва ғайра зоҳир карда шуд.

Ҷонибҳо афзун гардидани теъдоди нишондиҳандаҳои табодули молро изҳор намуда, омодагии худро ҷиҳати тавсеа ва густариши савдои муштарак дар дурнамои наздик иброз намуданд.

Дар зимн, ҳамчунин масъалаҳои ҳамкории созанда ва мутақобилан судманди ҷонибҳо дар чаҳорчӯби созмонҳои байналмилалӣ, бахусус Созмони Милали Муттаҳид ва ниҳодҳои он, Созмони ҳамкории иқтисодӣ ва дигар ташкилоти минтақавӣ мавриди баррасӣ қарор дода шуд.

Дар остонаи баргузории ҷаласаи 25-уми Шӯрои вазирони корҳои хориҷӣ ва 15-умин Нишасти сарони кишварҳои узви Созмони ҳамкории иқтисодӣ дар Ашқобод ба сатҳи ҳамкории муштараки ҳусни эътимод ва созанда дар чаҳорчӯби Созмони мазкур дар тӯли 29 соли фаъолияти он баҳои баланд дода шуд.

Дар мулоқот аз ҷониби Тоҷикистон инчунин Вазири саноат ва технологияҳои нави Ҷумҳурии Тоҷикистон Шералӣ Кабир ва Сафири Фавқулода ва Мухтори Ҷумҳурии Тоҷикистон дар Туркманистон Фаррух Шарифзода иштирок намуданд.

АКСҲО аз ВКХ ҶТ

Ноябрь 27, 2021 10:53

Хабарҳои дигари ин бахш

Намояндаи Тоҷикистон брифинги ғайрирасмии Хазинаи нуфуси Созмони Милали Муттаҳидро раисӣ намуд
Сафири Тоҷикистон бо роҳбари бахши ҳамкории иқтисодӣ ва рушди Котиботи давлатии корҳои иқтисодии Швейтсария мулоқот намуд
Сафири Тоҷикистон бо муовини Раиси Девони Вазирони Туркманистон оид ба тиҷорат, саноати нассоҷӣ ва соҳибкорӣ мулоқот намуд
Намояндаи доимии Тоҷикистон дар нишасти пленарии Маҷмаи Умумии Созмони Милали Муттаҳид иштирок намуд
Сафари давлатии Президенти Ҷумҳурии Исломии Эрон дар Ҷумҳурии Тоҷикистон анҷом ёфт
Мулоқоти Сафири Тоҷикистон бо роҳбарияти Маркази имдод ва корҳои башардӯстонаи Шоҳ Салмон
Президенти Ҷумҳурии Исломии Эрон Масъуд Пизишкиён бо Сарвазири Ҷумҳурии Тоҷикистон Қоҳир Расулзода мулоқот намуданд
Президенти Ҷумҳурии Исломии Эрон Масъуд Пизишкиён дар пояи муҷассамаи Исмоили Сомонӣ гулчанбар гузошт
Имрӯз Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Сафири Тоҷикистон дар Ҷумҳурии Корея дар вохӯрии 7-уми дӯстони Бунёди рушди сабз иштирок намуд
Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Намояндаи Тоҷикистон нахустин бор ба мақоми Президенти Шурои иҷроияи ЮНИСЕФ барои соли 2025 интихоб гардид