Форуми дуюми байналмилалии молиявию бонкии кишварҳои ИДМ охири моҳи ноябр дар Тошканд доир мегардад

Ноябрь 5, 2021 11:11

ДУШАНБЕ, 05.11.2021 /АМИТ «Ховар»/. Форуми дуюми  байналмилалии молиявию бонкии кишварҳои Иттиҳоди Давлатҳои  Мустақил /ИДМ/ 25-26 ноябр  дар Тошканд  баргузор  мешавад, хабар медиҳад АМИТ «Ховар» бо истинод ба UzDaily.uz.

Соли равон дар Форум чун анъана, роҳбарони бонкҳои марказӣ ва тиҷоратӣ, биржаҳои фондӣ, намояндагони вазорату идораҳои марбута,  иттиҳодияҳо ва ассотсиатсияҳои бонкӣ, инчунин роҳбарони ширкатҳои инноватсионию сармоягузории кишварҳои ИДМ, аз ҷумла Тоҷикистон ва мамлакатҳои Осиёи Ҷануби Шарқӣ, инчунин Иттиҳоди Аврупо  иштирок менамоянд. Барномаи тиҷоратии форум баррасии доираи васеи масъалаҳои марбут ба ҷустуҷӯи шаклҳои нави ҳамгироӣ ва ҳамоҳангсозии бозорҳои молиявии ИДМ-ро пешбинӣ менамояд.

3 ноябр дар Ассотсиатсияи бонкҳои Узбекистон  бо иштироки ҳайати Шӯрои молиявӣ ва бонкии ИДМ  мулоқот доир гардид. Намояндагони ҳарду тараф масъалаҳои тадорукотии форуми дар пешистодаи байналмилалиро муҳокима намуданд.  Дар ҷараёни вохӯрӣ директори генералии Ассотсиатсия Бахтиёр Ҳамидов ва меҳмонон оид ба якчанд лоиҳаҳои нав дар ин самт табодули афкор намуданд.

Ёдовар мешавем, ки соли 2019 дар Тошканд аввалин Форуми байналмилалии молиявӣ ва бонкии кишварҳои узви ИДМ баргузор гардид. Дар он муовини раиси Ҷамъияти саҳомии КБ «Солидарность» (Русия), узви Шӯрои нозирони ҶСК «Коммерсбонк»-и  Тоҷикистон» Ибодулло Саидмуродов ва иҷрокунандаи вазифаи раиси раёсати ин бонк Масрур Қодиров иштирок доштанд. Ибодулло Саидмуродов имсол ба ҳайси яке аз маърӯзачиёни Форуми дуюми байналмилалии молиявӣ ва бонкии кишварҳои ИДМ фаъолият менамояд.

ДАР АКС:  дар марказ — муовини раиси Ҷамъияти саҳомии КБ «Солидарность» (Русия), аъзои Шӯрои нозирони ҶСК «Коммерсбанк»-и  Тоҷикистон Ибодулло Саидмуродов. Акс аз «Коммерсбонк»-и Тоҷикистон

Ноябрь 5, 2021 11:11

Хабарҳои дигари ин бахш

Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
ҚУРБИ АСЪОР: дар Тоҷикистон 1 евро аз 11.1141 то 11.1000 сомонӣ муқаррар шудааст
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид