«ПАЙРАВОНИ ПЕШВОИ МИЛЛАТЕМ». Таҳти чунин унвон дар Исфара бахшида ба Рӯзи Президент ҳамоиш доир шуд

Ноябрь 16, 2021 10:11

ДУШАНБЕ, 16.11.2021 /АМИТ «Ховар»/. Бахшида ба Рӯзи Президенти Ҷумҳурии Тоҷикистон 15 ноябр дар Қасри фарҳанги шаҳри Исфара таҳти унвони «Пайравони Пешвои миллатем» ҳамоиш доир шуд, ки дар он  муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода, муовини Раиси шаҳри Исфара Мадина  Абдуякинзода  ва ҷавонону варзишгарони шаҳри Исфара иштирок намуданд, иттилоъ доданд аз  Кумитаи кор бо ҷавонон ва варзиши ҷумҳурӣ ба АМИТ «Ховар».

Муовини раиси Кумитаи кор бо ҷавонон ва варзиш Дилноза Аҳмадзода аз рӯзҳои мудҳишу рӯзгори нобасомони миллати тоҷик ёдовар шуда, саҳми беназири Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ҳамчун роҳкушову роҳнамо ва башоратдиҳандаи роҳи наҷот дар барқарорсозии муттаҳидиву ягонагӣ, сулҳ ва ваҳдати комил назаррас арзёбӣ намуд.

Мавсуф бо зикри дастовардҳои давлат ва Ҳукумати мамлакат дар зарфи соҳибистиқлолӣ ҷавонону варзишгарони шаҳри Исфараро даъват кард, ки пайваста дар талош ва омӯзиши дониш бошанд, ба омӯзиши забонҳои хориҷӣ ва техникаву технологияи инноватсионӣ машғул шаванд, ба қадри сулҳи пойдор, муттаҳидиву сарҷамъӣ бирасанд ва дар ҳифзи муқаддасоти давлатӣ, арзишҳо ва манфиатҳои миллӣ ҳамеша омода бошанд.

Дар фарҷоми ҳамоиш  ба кормандон, ҷавонон ва варзишгарони фаъол Сипосномаи Кумитаи кор бо ҷавонон ва варзиш супорида шуд.

АКС: Кумитаи кор бо ҷавонон ва варзиш

Ноябрь 16, 2021 10:11

Хабарҳои дигари ин бахш

БЕҲТАРИНИ БЕҲТАРИНҲО. Шумораи гирандагони стипендияи Президентӣ ба 3000 нафар расонида шуд
Дар Душанбе маросими ҷоизасупорӣ дар соҳаи кор бо ҷавонон дар соли 2021 баргузор гардид
КҲФ ва МГ: Дар роҳи мошингарди Рашт – Сангвор тарма фаромада, талафот ва хисорот ба қайд гирифта нашудааст
Дар ноҳияи Вахш сохтмони Мактаб-интернати кӯдакони ятиму бепарастор ҷараён дорад
IRS: Ҳаракати воситаҳои нақлиёт дар роҳи мошингарди Душанбе-Чанок таъмин аст
Дар Хатлон масъалаҳои муҳоҷирати меҳнатӣ баррасӣ шуданд
IRS: Ҳаракати воситаҳои нақлиёти сабукрав аз Хуҷанд ба самти Душанбе таъмин гардид
ҲУШДОРИ КҲФ ВА МГ: Аз худсарона ва бе риояи қоидаҳои бехатарӣ кандани ангишт дар конҳо худдорӣ намоед!
Дар Суғд аксияи «Тозагии соҳил» гузарониданд
IRS: Ҳаракати тамоми намуди нақлиёт аз тариқи роҳи Душанбе-Чаноқ боздошта шуд
Соли 2022 будубоши шаҳрвандони хориҷӣ дар Русия дар доираи қонунҳои амалкунандаи ин кишвар амалӣ гардонида мешавад
АГЕНТИИ ОБУҲАВОШИНОСӢ: Дар Тоҷикистон дар панҷ рӯзи аввали соли нав дар водиҳо бориши борон ва дар кӯҳҳо барф дар назар аст