АҲСАН! Алишер, Файзалӣ, Далер, Лайло ва Эҳсон — беҳтарин бозингарони соли 2021 эътироф гардиданд
ДУШАНБЕ, 27.12.2021 /АМИТ «Ховар»/. Дар «Кохи Парфенон»-и шаҳри Душанбе 25 декабр Федератсияи футболи Тоҷикистон маросими ҷоизасупории беҳтаринҳои мавсимро доир намуд, иттилоъ медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Алишер Ҷалилов – беҳтарин бозингари сол дар Тоҷикистон
Дар маросими ҷоизасупории ФФТ-2021 унвони беҳтарин бозингари солро футболбози дастаи «Истиқлол»-и шаҳри Душанбе Алишер Ҷалилов ба даст овард. Қаблан соли 2019 Алишер Ҷалилов ин ҷоизаро ба даст оварда буд. Ин мавсим Алишер Ҷалилов бо дастааш се ҷоиза- Ҷоми ФФТ, Шоҳҷоми Тоҷикистон ва Лигаи олиро ба даст овард. Инчунин Алишер Ҷалилов бо дастаи футболи «Истиқлол»-и шаҳри Душанбе то ба даври 1/8- ниҳоии Лигаи Чемпионҳои Осиё-2021-роҳ ёфт.
Файзалӣ Сардоров – беҳтарин футзалбози соли 2021
Бозингари шинохтаи дастаи «Соро компания»-и шаҳри Душанбе Файзалӣ Сардоров унвони беҳтарин футзалбози мавсими 2021-ро ба даст овард. Дар мавсими ҷорӣ Файзалӣ Сардоров бо дастааш требл намуда, барандаи Суперҷоми Тоҷикистон, Ҷоми кишвар ва чемпионати мамлакат гардид.
Далер Шарипов — футболбози умедбахши соли 2021
Дар маросими ҷоизасупории Федератсияи футболи Тоҷикистон Далер Шарипов ҷоизаи футболбози умедбахши соли 2021-ро ба даст овард. Қаблан Далер Шарипов унвони беҳтарин бозингари Лигаи якуми мамлакатро соҳиб шуда буд.
Лайло Ҳалимова — беҳтарин футболбози сол миёни бонувон
Ҳамлагари дастаи футболи «Хатлон»-и шаҳри Бохтар Лайло Ҳалимова унвони беҳтарин бозингари мавсими 2021-ро соҳиб шуд. Дар ин мавсим Лайло Ҳалимова бо дастааш медали тиллои Чемпионати Тоҷикистон миёни бонувонро ба даст овард. Инчунин Лайло Ҳалимова бо задани 67 гол беҳтарин нишонзани Чемпионат эътироф гардид.
Эҳсони Панҷшанбе — беҳтарин бозингари тоҷик дар хориҷи кишвар
Ниммуҳофизатгари дастаи мунтахаби Тоҷикистон ва дастаи футболи «Навбаҳор»-и шаҳри Намангони Узбекистон Эҳсони Панҷшанбе унвони беҳтарин бозингари тоҷик дар хориҷи кишварро ба даст овард. Эҳсони Панҷшанбе имсол дар Чемпионати Узбекистон хуб дурахшид ва ҳатто яке аз футболбозони калидии даста ба шумор меравад.
АКС: Федератсияи футболи Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
