Давлатшоҳ Гулмаҳмадзода Тоҷикистонро дар нишасти Шӯрои иқтисодии ИДМ дар Москва намояндагӣ намуд

Декабрь 3, 2021 14:01

ДУШАНБЕ, 03.12.2021 /АМИТ «Ховар»/. Дирӯз, 2 декабр, дар павилиони 57-уми Намоиши дастовардҳои хоҷагии халқ (ВДНХ) дар Москва дар ҳошияи Конгресси Авруосиё ҷаласаи ҷамъбастии Шӯрои иқтисодии ИДМ баргузор гардид. Ҷумҳурии Тоҷикистонро дар он Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода намояндагӣ намуд, хабар медиҳад АМИТ «Ховар» ба истинод ба Хадамоти матбуоти Кумитаи иҷрояи ИДМ.

Давлатшоҳ Гулмаҳмадзода ва дигар намояндагони ҳайатҳо доир ба масъалаҳои мубрами ҳамкории иқтисодӣ дар ИДМ табодули назар карданд.

Раиси Кумитаи иҷроияи ИДМ Сергей Лебедев ба ҷониби Ҷумҳурии Беларус ба хотири раёсати муваффақона дар мақомоти ИДМ изҳори сипос намуд.

Директори департаменти ҳамкории иқтисодии Кумитаи иҷроияи ИДМ Михаил Мискин ба иштирокчиён оид ба лоиҳаи Созишнома доир ба савдои озоди хизматрасонӣ, идораҳо, фаъолият ва татбиқи сармоягузории кишварҳои узви Иттиҳоди Давлатҳои Мустақил маълумот дод.

Иттилоотро «Дар бораи фаъолияти Шӯрои ҳамоҳангсозии роҳбарони хадамоти андози кишварҳои узви ИДМ дар солҳои 2016-2020» ба аъзои Шӯрои иқтисодии ИДМ  раиси Шӯро, Вазир оид ба андоз ва пардохтҳои Ҷумҳурии Беларус Сергей Наливайко пешниҳод намуд.

Дар масъалаи  «Оид ба меъёрҳои сифатии ҳаёт» котиби давлатӣ — муовини Вазири меҳнат ва ҳифзи иҷтимоии Федератсияи Русия Андрей Пудов сухан гуфт.

Ҷаласаи навбатии Шӯрои иқтисодӣ 18 марти соли 2022 дар шаҳри Москва дар Маркази савдои байналмилалӣ доир гардида, дар ҳамин рӯз форуми умумиҷаҳонии иқтисодӣ баргузор хоҳад шуд.

АКС: Хадамоти матбуотии Кумитаи иҷроияи ИДМ

Декабрь 3, 2021 14:01

Хабарҳои дигари ин бахш

Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
Давлатшоҳ Гулмаҳмадзода дар ҳамоиш бахшида ба раёсати Қазоқистон дар Созмони Ҳамкории Шанхай иштирок намуд
Ҷавонон дар сиёсати пешгирифтаи Ҳукумати Тоҷикистон ҷойгоҳи афзалиятнок доранд
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
Дар Женева тақвияти ҳамкории Тоҷикистон бо Маркази байналмилалии савдо баррасӣ гардид