Ду филми тоҷикӣ дар Кинофестивали 12-уми байналмилалии «Само» ҷоизаи таваҷҷуҳи ҳакамонро ба даст оварданд
ДУШАНБЕ, 03.12.2021 /АМИТ «Ховар»/. Филми ҳунарии «Бачаи обӣ»-и Муассисаи давлатии «Тоҷикфилм» бо коргардонии Файзулло Файзов ва «Нолаи танбӯр»-и Аниса Собирӣ дар Кинофестивали 12-уми байналмилалии «Само» соҳиби ҷоизаи таваҷҷуҳи ҳакамон гардиданд, иттилоъ дод ба АМИТ «Ховар» коргардони тоҷик Файзулло Файзов.
Кинофестивали 12-уми байналмилалии «Само» аз 26 то 28 ноябр дар пойтахти Шветсия- шаҳри Стокголм баргузор гардид. Кинофестивал аз ду бахш — филмҳои миллӣ ва байналмилалӣ иборат буд.
Филми ҳунарии «Бачаи обӣ» дар жанри драмаи иҷтимоӣ офарида шуда, аз рӯзгори наврасе, ки ба моҳигирӣ шавқ дошта, мехоҳад оянда ба ин касб шуғл варзад, ҳикоят мекунад.
Ҳамчунин дар филм масоили муҳити зист, кам шудани захираҳои об ва хушкшавии рӯдхона, кӯлу дарёҳо дар робита ба гармшавии глобалии иқлим инъикос гардидаанд.
Филми «Нолаи танбӯр»-и Аниса Собирӣ соли 2018 дар киностудияи «Тоҷикфилм» ба навор гирифта шудааст. Филми мазкур дар 26 фестивали байналмилалӣ, аз ҷумла моҳи октябри соли 2018 дар ҷашнвораи Пуссан дар Кореяи Ҷанубӣ ширкат варзида, инчунин дар Арманистон, Эрон, Русия, Урдун ва ИМА соҳиби ҷоизаҳо гардидааст.
Филми мазкур аз 25 дақиқа иборат мебошад. Он дар бораи ҳаёт ва ба воя расидани як навраси 12-сола дар Тоҷикистон дар солҳои ҷанги шаҳрвандӣ ривоят мекунад. Филм дар асоси рӯйдодҳои воқеӣ наворбардорӣ шудааст.
Бояд гуфт, ки соли 2019 филми кӯтоҳмуддати «Дуғоб»-и коргардон Зайнулобиддини Мусо низ дар Кинофестивали байналмилалии «Само» намоиш дода шуд. Филми мазкур аз 35 дақиқа иброт буда, миёнаи солҳои 2018-2019 аз ҷониби Муассисаи давлатии «Тоҷикфилм» истеҳсол гардидааст
Ёдовар мешавем, ки Кинофестивали байналмилалии «Само» соли 2009 аз ҷониби муҳоҷирони афғон дар Шветсия таъсис ёфта, ҳамасола дар шаҳри Стокголм баргузор мегардад.
Доир ба Кинофестивали 12-уми байналмилалии «Само» аз ин суроға https://www.samaiff.com/Festival2021/Sama-Winners2021 маълумоти муфассал дастрас карда метавонед.
АКСҲО аз сомонаи samaiff.com
ИСТЕҲСОЛИ ФИЛМҲОИ МИЛЛӢ ДАР ТОҶИКИСТОН КАМ АСТ. Ва ё рушди кинои миллӣ аз кӣ ва чӣ вобаста аст?
Маҷмуаи ашъори «Каманди зулф»-и Шоири халқии Тоҷикистон дар нашриёти «Орван»-и Теҳрон ба табъ расид
Бахшида ба 115-солагии Қаҳрамони Тоҷикистон Мирзо Турсунзода конференсияи ҷумҳуриявӣ баргузор мегардад
Намоиши ҷашнии «Тасвири шуҷоат ва мардонагии фарзандони тоҷик дар нигораҳои Осорхонаи миллӣ» ифтитоҳ шуд
Озмоишгоҳи энергетикаи гидрогенӣ сохта мешавад
21 ФЕВРАЛ — РӮЗИ БАЙНАЛМИЛАЛИИ ЗАБОНИ МОДАРӢ. Тоҷикистон баробарҳуқуқии забонҳоро эътироф менамояд
ТАРАННУМИ ИШҚ ДАР АШЪОРИ РОБИАИ БАЛХӢ. Дар Донишкадаи байналмилалии Левакант ҳамоиш доир шуд
Оид ба Хутали қадим чун пойгоҳи зуҳури забони тоҷикӣ ва тамаддуни бостонии минтақаи Осиёи Марказӣ ҳамоиш доир шуд
Эҳдо ба Пешвои миллат
Дар ноҳияи Нуробод намоиш-фурӯши китобҳои тозанашр доир гардид
Конференсияи илмию амалии ҷумҳуриявӣ ба мавзуи «Истиқлол, забонҳои модарӣ ва арҷгузорӣ ба онҳо» бахшида шуд
