ГУЛЧЕҲРА ҚОҲИРОВА СОЛИ ДУЮМ ПАЙ ДАР ПАЙ «СИТОРАИ ИТТИҲОД» ГАРДИД. Дирӯз ба вай мукофоти асосии ИДМ супорида шуд

Декабрь 22, 2021 13:37

ДУШАНБЕ, 22.12.2021 /АМИТ «Ховар»/. Ҷоизаи байнидавлатии “Ситораҳои Иттиҳод» ба лауреатон аз 9 кишвари ИДМ дар маросиме, ки рӯзи сешанбе дар Москва баргузор шуд, супорида шуд. Дар миёни ҷоизадорон — директори Пажӯҳишгоҳи астрофизикаи Академияи миллии илмҳои Тоҷикистон, доктори илмҳои физика ва математика, узви вобастаи АМИТ Гулчеҳра Қоҳирова низ ҳаст. Тавре АМИТ «Ховар» хабар медиҳад, дар ин бора маркази матбуоти Бунёди байнидавлатии ҳамкории башардӯстонаи ИДМ хабар додааст.

«Ситораҳои Иттиҳод» — ҷоизаи асосии ИДМ барои дастовардҳои баландтарин дар соҳаи гуманитарӣ мебошад. Имсол бо он ректори МГИМО, академики Академияи илмҳои Русия Анатолий Торкунов, ректори Донишгоҳи Русияву Арманистон Армен Дарбинян (Арманистон), як гурӯҳи физикҳо Александр Тузиков, Сергей Золотой ва Сергей Кореняко (Беларус), директори Институти астрофизика Гулчеҳра Қоҳирова (Тоҷикистон), президентҳои Академияҳои миллии илмҳо Мурат Ҷуматаев (Қирғизистон) ва Ион Тигиняну (Молдавия) мукофотонида шуданд. Инчунин нависандаи мардумии Қазоқистон Олжас Сулейменов, сарояндаи опера Элчин Азизов (Озарбойҷон) ва роҳбари оркестри эстрадӣ ва симфонӣ Мансур Ташматов (Узбекистон) низ сазовори ҷоиза гардиданд.

Ба лауреатон диплом, нишони фахрӣ ва шаҳодатнома дода мешавад. Маблағи пулии ҷоиза 2 миллион рубли русиро ташкил медиҳад.

Сафири Озарбойҷон дар Русия, раиси Раёсати Бунёди байнидавлатии ҳамкории башардӯстонаи кишварҳои узви ИДМ (IFES) Полад Булбул оглу иброз намуд, ки аз аҳли илму фарҳанг пуштибонӣ кардан лозим аст, зеро онҳо “пораи фазои маънавии моанд”. «Ин ҷоиза аз он сабаб хеле муҳим аст, ки он одамони барҷастаи фазои ИДМ-ро муттаҳид мекунад», — гуфт ӯ. – Дилхоҳ фарҳанг ҳангоми дар инзиво будан метавонад пажмурда шавад, фарҳанг бояд амал кунад, фарҳанг бояд муошират кунад, бояд бо фарҳангҳои дигар дар иртибот бошад, то рушд намояд. Ва аз ин рӯ, ба назарам, дар ин замина, бунёди мо кори бузургеро анҷом дода, мероси бузургеро, ки аз замони дар як кишвари бузург зиндагӣ карданамон боқӣ мондааст, ҳифз мекунад”.

Бояд гуфт, ки Гулчеҳра Қоҳирова соли дуюм аст, ки ин мукофотро соҳиб мешавад. Ҷоиза ба ӯ охири соли 2020 супурда шуд. Вай аввалин зани олим дар Тоҷикистон аст, ки ин ҷоизаро гирифтааст. Дар миёни барандагони ҷоизаи солҳои қаблӣ- академик Пулод Бобоҷонов, Ҳунарпешаи мардумии Тоҷикистон Вафо Назаров, Шоири халқии Тоҷикистон Низом Қосим, Ҳунарпешаи мардумии Тоҷикистон Ибодулло Машрабов ва шоир, насрнавис ва драматурги маъруф Темур Зулфиқоров низ ҳастанд.

Гулчеҳра Қоҳирова аз соли 1983, ки ҳанӯз донишҷӯ буд, дар Пажӯҳишгоҳи астрофизикаи Тоҷикистон кор мекард. Беш аз даҳ сол дар вазифаи директори Пажӯҳишгоҳи астрофизикаи Академияи илмҳои Тоҷикистон (аз соли 2014 – ҳамзамон ба сифати ходими пешбар ва аз 1 январи соли 2021 — сардори шуъбаи ҷисмҳои байнисайёравии ИА АМИТ) кор мекунад.

Самти асосии тадқиқоти илмии ӯ ҷисмҳои хурди системаи Офтоб, хусусияти физикӣ ва динамикии онҳо, пайдоиш ва муносибати байни онҳо мебошад. Вай барои омӯхтани спектрҳои метеорҳо усули ҳақиқие кор карда баромад, ки дар асоси он оид ба таркиби микдори моддаи метеорӣ натиҷаҳои нав ба даст оварда шуданд. Таҳти роҳбарии Г. Қоҳирова дар Тоҷикистон шабакаи болидӣ таъсис ёфт, ки дар Осиёи Марказӣ аввалин шабака ва то ҳол ягона аст.

 

АКС аз манбаъҳои озод

Декабрь 22, 2021 13:37

Хабарҳои дигари ин бахш

Аз 16 то 18 апрел дар Душанбе намоиш-фурӯши чакан баргузор мегардад
«НАҚШИ ПЕШВОИ МИЛЛАТ ДАР ТАҲКИМИ ВАҲДАТ». Таҳти ин унвон китоби нав ба нашр расид
Оид ба ҷойгоҳи китоб ва китобхонаҳо дар тарғиби музаффарияти истиқлолияти давлатӣ ҳамоиши илмӣ доир шуд
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Эмомалӣ Раҳмон: «Садриддин Айнӣ он солҳо беш аз дигарон ба дифои ҳуқуқу ҳастии тоҷикон баромада, қадимӣ, таърихӣ ва бумӣ будани миллаташро исбот намуд»
Дар бинои навбунёди Қасри фарҳанги шаҳри Истаравшан 30 нафар бо ҷойи кори доимӣ таъмин гардиданд
«СУКУТ ДАР КӮҲҲО». Лоиҳаи синамоии муштараки ин филм муҳокима гардид
Эмомалӣ Раҳмон: «Дар натиҷаи ҳафриёти бостоншиносӣ аз Қалъаи Хуҷанд бозёфтҳои нодири давраҳои пурифтихори таърихи халқи тоҷик ба даст омадаанд»
«ИЛМ-ФУРӮҒИ МАЪРИФАТ». Донишу маърифат ба аҳли башар бузургӣ ва хушбахтӣ меоранд
Президенти Тоҷикистон: «Ба хотири муаррифии ҳарчи бештари таъриху фарҳанги миллӣ сохтори алоҳидаи давлатӣ – Агентии ҳифзи мероси таърихиву фарҳангӣ таъсис додем»
Эмомалӣ Раҳмон: «Дар давраи соҳибистиқлолӣ зиёда аз 100 ёдгории таърихиву фарҳангӣ тармиму барқарор гардид»
Озмуну фестивали ҷумҳуриявии «Кадбонуи беҳтарин» ва «Сад ранги чакан» ҷамъбаст мешаванд