«Амонатбонк»: Дар 75 филиал оид ба тафсири нуктаҳои муҳими Паёми Пешвои миллат суҳбатҳо доир шуданд
ДУШАНБЕ, 24.01.2022 /АМИТ «Ховар»/. Кормандони масъул ва мутахассисони Бонки давлатии амонатгузории Ҷумҳурии Тоҷикистон «Амонатбонк», ки сарпарастии филиалҳои бонкро дар шаҳру навоҳии кишвар ба зимма доранд, тӯли як ҳафта- аз 17 то 22 январ бо мақсади тавзеҳи нуктаҳои асосии Паёми Пешвои миллат муҳтарам Эмомалӣ Раҳмон ба Парлумони кишвар ва ҳамзамон тарғиби фаъолияти соҳаи бонкдорӣ дар 75 филиали «Амонатбонк» бо фаъолон, раисони маҳаллаҳо, роҳбарони хоҷагиҳои деҳқонӣ, соҳибкорон, зиёиён ва дигар табақаҳои аҳолӣ вохӯриҳо анҷом доданд, иттилоъ доданд ба АМИТ «Ховар» аз Бонки давлатии амонатгузории Ҷумҳурии Тоҷикистон «Амонатбонк».
Зимни вохӯриҳо кормандони масъули «Амонатбонк» ба намояндагони гуногуни ҷомеа самтҳои асосии Паёми Пешвои миллат муҳтарам Эмомалӣ Раҳмонро ба Парлумони мамлакат тавзеҳ доданд.
Зикр шуд, ки тавре Пешвои миллат дар Паёмашон ба Маҷлиси Олӣ таъкид карданд, «сармояи низоми бонкии кишвар нисбат ба соли 2000 130 баробар афзоиш ёфт. Ҳаҷми пасандозҳо қариб 100 баробар зиёд шуда, ҳоло бақияи онҳо 10 миллиард сомониро ташкил медиҳад. Ҳаҷми умумии қарзҳои додашуда давоми солҳои соҳибистиқлолӣ 117 миллиард сомониро ташкил карда, аз ҷумла соли 2021 13 миллиард сомонӣ қарз дода шудааст, ки 37 фоизи он ба соҳибкории истеҳсолӣ равона гардидааст». Аз ҷумла, Пешвои миллат муҳтарам Эмомалӣ Раҳмон зимни таҳлили низоми бонкии кишвар иброз доштанд, ки дар даврони соҳибистиқлолӣ шумораи ташкилоти қарзӣ дар кишвар ба 63 ва воҳидҳои сохтории онҳо ба 1850 расонида шуд.
Ҳамзамон дар вохӯриҳо масъалаҳои марбут ба хизматрасониҳои бонкӣ, алалхусус пешниҳоди қарзҳо барои рушди соҳибкорию кишоварзӣ ва дар ин замина таъсиси ҷойҳои нави кории доимию мавсимӣ, ки ба зиёдшавии андозҳои маҳаллӣ мусоидат мекунанд, инчунин истифодаи ҳисоббаробаркуниҳои ғайринақдӣ ва хизматрасониҳои фосилавӣ баҳри пешгирии танбашавии аҳолӣ дар назди филиал, марказҳои хизматрасонӣ ва банкоматҳои «Амонатбонк» ва дар маҷмӯъ саҳмгузорӣ дар баланд бардоштани маърифати молиявии аҳолӣ баррасӣ гардиданд.
АКСҲО: Бонки давлатии амонатгузории ҶТ «Амонатбонк»
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
