Дар Душанбе масоили ҳуқуқ, таҳсил ва бокортаъминкунии маъюбон таҳлилу баррасӣ гардид
ДУШАНБЕ, 20.04.2022 /АМИТ «Ховар»/. Масоили ҳуқуқи маъюбон, имконият ба таҳсилоти фарогир, бокортаъминкунӣ, мутобиқшавии иҷтимоӣ, ҳавасмандгардонӣ, ворид намудани онҳо ба ҳаёти муқаррарӣ дар ҷомеа ва дигар масъалаҳое, ки дар Конвенсияи СММ оид ба ҳуқуқи маъюбон пешбинӣ шудаанд, 19 апрел дар Вазорати меҳнат, муҳоҷират ва шуғли аҳолии Ҷумҳурии Тоҷикистон мавриди баррасӣ қарор гирифтанд.
Тавре аз маркази матбуоти Вазорати меҳнат, муҳоҷират ва шуғли аҳолӣ ба АМИТ «Ховар» иттилоъ доданд, Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода бо мушовири Котиботи Иёлоти Муттаҳидаи Амрико оид ба ҳуқуқи маъюбон Сара Минкара ва Сафири Иёлоти Муттаҳидаи Амрико дар Ҷумҳурии Тоҷикистон Ҷон Марк Помершейм мулоқот намуд.
Дар ҷараёни мулоқот ҷонибҳо омодагии худро ҷиҳати ҳамкории минбаъда бо мақсади амалӣ намудани муқаррароти Конвенсияи СММ оид ба ҳуқуқи маъюбон иброз доштанд.
Зимни мулоқот оид ба фаъолияти Муассисаи давлатии Литсейи касбии махсуси маъюбон дар шаҳри Душанбе ва филиали он дар ноҳияи Рӯшон, ки дар онҳо шахсони ниёзманди ҷомеа, маъюбон, ятимон, бепарасторон ва нафароне, ки волидайнашон маъюби гурӯҳи 1 ва 2 мебошанд, ба таҳсил фаро гирифта шудаанд, маълумоти муфассал дода шуд.
Дар Ҷумҳурии Тоҷикистон ба солимгардонии касбомӯзон аҳамияти ҷиддӣ дода шуда, дар доираи Барномаи мусоидат ба шуғли аҳолӣ ва дигар санадҳои меъёрии ҳуқуқӣ барои маъюбон дар муносибатҳои меҳнатӣ, шуғл, касбомӯзӣ, кумакҳо, имтиёзҳои иҷтимоӣ ва дигар ҷанбаҳои фаъолияти ҳаётии онҳо имтиёзҳо пешбинӣ шудаанд.
АКС: Вазорати меҳнат, муҳоҷират ва шуғли аҳолии ҶТ
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
