ЧЕМПИОНАТИ CAFA-2022. Имрӯз дар Варзишгоҳи марказии шаҳри Душанбе бозиҳои даври навбатӣ доир мешаванд

Май 20, 2022 09:34

ДУШАНБЕ, 20.05.2022 /АМИТ «Ховар»/. Шоми имрӯз дар Варзишгоҳи марказии шаҳри Душанбе бозиҳои даври навбатии Чемпионати Ассотсиатсияи футболи Осиёи Марказӣ (CAFA) миёни дастаҳои мунтахаби футболи наврасони то 16-солаи Тоҷикистон бо Эрон ва Узбекистон бо Қирғизистон баргузор мегарданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Аз ин пеш дар бозиҳои даври навбатии Чемпионати Ассотсиатсияи футболи Осиёи Марказӣ (CAFA) дастаҳои мунтахаби футболи наврасони то 16-солаи Тоҷикистон бо Узбекистон ва Эрон бо Афғонистон дар Варзишгоҳи марказии шаҳри Душанбе миёни ҳам рақобат карда буданд.

Дар даври мазкур дастаи мунтахаби футболи наврасони то 16-солаи Тоҷикистон аз дастаи мунтахаби наврасони Узбекистон бо ҳисоби 2:0 мағлуб гардид ва дастаи мунтахаби наврасони Эрон бо натиҷаи 1:0 дастаи мунтахаби наврасони Афғонистонро шикаст дод. Мавриди зикр аст, ки аз ин пеш дастаи мунтахаби наврасони Тоҷикистон дар даври сеюми Чемпионати Ассотсиатсияи футболи Осиёи Марказӣ (CAFA), ки дар Душанбе ҷараён дорад, бо дастаи мунтахаби наврасони Афғонистон бо ҳисоби мусовии 0:0 бозӣ кард.

Бозии дастаҳо 16 май дар Варзишгоҳи марказии шаҳри Душанбе дар сатҳи баланд баргузор шуда буд. Дар бозии дигари даври сеюми Чемпионати CAFA-2022 миёни дастаҳои мунтахаби наврасони то 16-сола Эрон бо ҳисоби 2 бар 0 ҳамтоёнаш аз Қирғизистонро мағлуб намуд. Чемпионат аз рӯйи системаи даврӣ дар як давр сурат мегирад.

Ёдовар мешавем, ки баъди ин давр дастаи мунтахаби то 16-солаи Узбекистон бо 7 имтиёз аз рӯи натиҷаи голҳои задааш дар ҷои аввал ҷойгир аст. Дастаи мунтахаби наврасони Эрон бо 7 хол дар мақоми дуюм қарор дорад. Дастаи мунтахаби наврасони Тоҷикистон бо 4 хол дар зинаи сеюм меистад, дастаҳои мунтахаби наврасони Афғонистон бо 2 хол ва Қирғизистон бо 1 хол дар ҷойҳои чаҳоруму панҷум қарор доранд.

Чемпионати CAFA-2022 байни дастаҳои наврасон (U-16)

Даври 1

Узбекистон  2:2  Эрон

Афғонистон 1:1  Қирғизистон

Даври 2

Қирғизистон 0:2  Тоҷикистон

Узбекистон 6:0 Афғонистон

Даври 3

Эрон  2:0  Қирғизистон

Тоҷикистон  0:0  Афғонистон

Даври 4

18 май (чоршанбе)

 Эрон 1:0 Афғонистон

 Узбекистон  2:0  Тоҷикистон

Даври 5

20 май (ҷумъа)

18:00   Қирғизистон – Узбекистон

21:00   Тоҷикистон – Эрон

Акс: ФФТ

Май 20, 2022 09:34

Хабарҳои дигари ин бахш

ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
Маҳмуд Амонзода Президенти Кумитаи паролимпии Тоҷикистон интихоб гардид
Дар Нуробод бахшида ба Рӯзи ҷаҳонии футбол фестивали футбол баргузор гардид