Дар Душанбе густариши ҳамкории тиҷоратии дуҷониба миёни Тоҷикистон ва Туркия баррасӣ гардид
ДУШАНБЕ, 20.05.2022. /АМИТ «Ховар»/. Дирӯз мулоқоти Вазири рушди иқтисод ва савдо Завқӣ Завқизода бо муовини Вазири саноат ва технологияҳои Туркия Четир Али Донмез баргузор гардид, ки дар доираи он густариши ҳамкории тиҷоратии дуҷониба байни ду кишвар мавриди баррасӣ қарор дода шуд. Дар ин бора ба АМИТ “Ховар” дар Вазорати рушди иқтисод ва савдо хабар доданд.
Зимни мулоқот З. Завқизода иброз намуд, ки ба шарофати сиёсати хирадмандонаи роҳбарони ду кишвар Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Раҷаб Тайиб Эрдуғон муносибатҳои ду кишвар ба сатҳи сифатан нав баромадаанд.
Дар натиҷаи иҷрои дастуру супоришҳои сарони ҳарду давлат ва таваҷҷуҳи хосаи онҳо ба тақвияти муносибатҳои дуҷониба ва бисёрҷониба гардиши савдои хориҷӣ миёни Тоҷикистон ва Туркия дар соли 2021 то ба 390,5 миллион доллар ё 21 фоиз нисбат ба соли 2020 афзоиш ёфтааст.
Ҷонибҳо ҳамчунин дар вохӯрӣ масъалаҳои густариши ҳамкорӣ ҷиҳати таъсиси корхонаҳои муштарак дар минтақаҳои озоди иқтисодӣ барои коркарди нахи пахта, меваю сабзавот ва ҳамкорӣ дар самти “иқтисоди сабз”, аз ҷумла истеҳсоли неруи барқ аз нури офтобро баррасӣ намуданд.
Дар анҷоми вохӯрӣ ҷонибҳо омодагии худро барои боз ҳам густариш додани ҳамкории мутақобилан судманд ва татбиқи масъалаҳои зикршуда баён намуданд.
АКС: Вазорати рушди иқтисод ва савдои ҶТ
«DUSHANBE INVEST-2025». 26 созишномаи ҳамкорӣ ба маблағи беш аз 3 миллиард доллар ба имзо расид
Ғолибони Озмуни «Маҳсулот ва хизматрасонии беҳтарин дар Ҷумҳурии Тоҷикистон» қадрдонӣ карда шуданд
«ДУШАНБЕ ИНВЕСТ-2025». 8 санади ҳамкорӣ оид ба рушди инноватсия ва рақамикунонии соҳа ба имзо расид
РӮЗИ КИШОВАРЗОНИ ТОҶИКИСТОН. Таъмини амнияти озуқаворӣ ҳадафи асосии кишоварзон аст
Тоҷикистон ҳамкориро бо UNECE дар соҳаи инноватсия ва иқтисоди рақамӣ тақвият медиҳад
Сарвари давлат: «Содироти маҳсулоти кишоварзӣ ба хориҷи Тоҷикистон солҳои охир рӯ ба афзоиш дорад»
Дар вилояти Суғд масъалаи насби панелҳои офтобӣ баррасӣ гардид
Сарвазири Ҷумҳурии Тоҷикистон бо Вазири сармоягузории Подшоҳии Арабистони Саудӣ мулоқот намуд
Дар ҷаласаи Комиссияи муштараки байниҳукуматии Тоҷикистон ва Арабистони Саудӣ дурнамо ва самтҳои афзалиятноки ҳамкории иқтисодӣ баррасӣ гардид
Дар Рим ҳамкории Тоҷикистон ва Созмони озуқаворӣ ва кишоварзии СММ баррасӣ шуд
Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
Баҳодур Шерализода ва Татяна Молчан Барномаи давлатии рушди маърифат ва фарҳанги экологиро баррасӣ намуданд
