Дар вилояти Хатлон Рӯзи шашмақом — достони муҳташами савту калом бо шаҳомати хосса таҷлил шуд
ДУШАНБЕ, 12.05.2022 /АМИТ «Ховар»/. 11 май дар Театри вилоятии мусиқӣ-мазҳакавии ба номи Ато Муҳаммадҷонов вилояти Хатлон ба муносибати Рӯзи шашмақом, ки ҳамасола 12 май таҷлил мешавад, барномаи фарҳангӣ баргузор гардид.
Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» иттилоъ доданд, дар ҳамоиш муовини раиси вилояти Хатлон Фирӯза Шарифӣ аҳли ҳунар ва алоқамандони ин жанри мусиқии суннатиро шодбош гуфта, иброз намуд, ки дар сиёсати созандаю бобарори Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фарҳанг ҷойгоҳи хос дошта, зери таваҷҷуҳи ҳамешагии Ҳукумати мамлакат қарор дорад.
«Маҳз ҳамин бузургии санъати миллии шашмақом аст, ки он дар радифи дигар арзишҳои муқаддасу миллии тоҷикон зери таваҷҷуҳи хоси Пешвои миллат қарор ёфт ва ҷиҳати рушду камоли ин санъати миллӣ ва бузургдошти шашмақом ба ҳайси рукни абадзиндаи миллат ҳамчун достони муҳташами савту калом соли 2000-ум мақоми давлатӣ касб намуд»,- гуфт мавсуф.
Зикр шуд, ки мақомоти иҷроияи ҳокимияти давлатии вилояти Хатлон ба рушду такомули ин жанри миллӣ мароқи хосса зоҳир намуда, бобати эҳё ва идомаи мактаби мусиқии шашмақомхонӣ шароиту имконияти мусоид фароҳам оварда, ҳунармандон дастгирӣ меёбанд. Инчунин дар назди мақомоти иҷроияи ҳокимияти давлатии вилоят ансамбли «Шашмақом» фаъолият дорад, ки ҳунармандони он ба ҳама тадбирҳои сиёсию фарҳангӣ ҷалб шуда, нақши онҳо баҳри баланд бардоштани камолоти маънавии мардум ва тарбияи насли наврас дар ҷодаи мақомхонӣ ва рушд додани ёдгории бегазанди санъати мусиқии шашмақом беназир аст.
Дар анҷоми барномаи фарҳангӣ ба як зумра ҳунарпешаҳои ансамбли «Шашмақом»-и вилоят барои саҳмгузорӣ дар рушди соҳаи фарҳанг ва ҳунар, иштироки фаъолона дар барномаҳои фарҳангӣ ва тарбияи мутахассисон сипосномаҳои мақомоти иҷроияи ҳокимияти давлатии вилояти Хатлон тақдим карда шуданд.
АКС: шуъбаи иттилоотию таҳлилии дастгоҳи раиси вилояти Хатлон
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
