Кормандони раёсатҳои минтақавии мақомоти гумрук касбияти худро дар самти фаъолияти кинологӣ баланд бардоштанд

Май 18, 2022 10:17

ДУШАНБЕ, 18.05.2022 /АМИТ «Ховар»/. Кормандони раёсатҳои минтақавии гумрукӣ дар вилоятҳои Суғд, Хатлон, шаҳри Турсунзода ва шаҳри Душанбе дар заминаи Маркази кинологии Агентии назорати маводи нашъаовари назди Президенти Ҷумҳурии Тоҷикистон зимни баргузории давраи омӯзишӣ савияи дониш ва касбияти худро дар самти фаъолияти кинологӣ баланд бардошта, соҳиби гувоҳнома гардиданд.

АМИТ «Ховар» ба истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки ин машғулият ҷиҳати баланд бардоштани савияи дониши кормандони дар самти кинологӣ фаъолияткунандаи мақомоти гумрук роҳандозӣ гардид. Дар давраи омӯзишӣ кормандон аз раёсатҳои минтақавии гумрукии шаҳру ноҳияҳо бо сагҳои хизматии худ иштирок намуданд.

Ҳадафи ташкили машғулияти омӯзишӣ- омода намудани нозирон-кинологҳои мақомоти гумрук ва сагҳои хизматии онҳо мебошад, ки дар фаъолияти ҳамарӯзаи онҳо нақши муҳим мебозад.

Машғулият аз тарафи устодони Маркази кинологии Агентии назорати маводи нашъаовари назди Президенти Ҷумҳурии Тоҷикистон ва бо ҷалби кормандони масъули раёсатҳои дастгоҳи марказии Хадамоти гумрук тибқи нақшаи чорабиниҳои амалисозии Стратегияи миллӣ оид ба назорати маводи нашъаовар дар Ҷумҳурии Тоҷикистон барои солҳои 2021-2030 гузаронида шуд.

Муовини сардори Хадамоти гумруки назди Ҳукумати ҷумҳурӣ Изатулло Ҳурматзод ва муовини Директори Агентии назорати маводи нашъаовари назди Президенти ҷумҳурӣ Раҳмоналӣ Раҳимзода аз раванди омӯзиш дар маркази кинологии Агентӣ, шароити буду боши кормандон ва нигоҳубини сагҳои хизматии мақомоти гумрук диданд намуданд.

Ҳамчунин дар саҳни ҳавлии Маркази кинологии Агентӣ чорабинии амалӣ оид ба натиҷаи омӯзиш баргузор гардид.

АКС: Хадамоти гумруки назди Ҳукумати Ҷумҳурии Тоҷикистон

Май 18, 2022 10:17

Хабарҳои дигари ин бахш

Раиси вилояти Хатлон дар Ёвон бо ҷараёни таҷдиди канали обрасонии «Лойқасой» шинос шуд
Британияи Кабир фурӯши телефонҳои мобилиро ба кӯдакон ва наврасони то 16-сола манъ менамояд
Дар Қазоқистон бар асари обхезиҳо қариб 98 ҳазор нафар тахлия шуданд
Зиёда аз 1,8 ҳазор сокини иёлати Ютаи Амрико пас аз рахна шудани сарбанди кӯл зери хатар қарор доранд
Дар Душанбе конференсияи байналмилалии «Муколамаи мутамаддини Русия ва мамлакатҳои Осиёи Марказӣ» оғоз гардид
12 АПРЕЛ-РӮЗИ БАЙНАЛМИЛАЛИИ ПАРВОЗИ ИНСОН БА КАЙҲОН. Фатҳи кайҳон аз тарафи инсон: аз асотир то ҳақиқат
Ҳамкории Маркази тадқиқоти стратегии Тоҷикистон ва Институти байналмилалии Осиёи Марказӣ тақвият меёбад
Имрӯз дар Тоҷикистон ҳаво тағйирёбанда шуда, борони кӯтоҳмуддат меборад
Бар асари сардии шадид дар Муғулистон дар маҷмуъ 6,3 миллион сар чорво нобуд гардид
Дар шаҳри Ҳисор ба 9 нафар шахси имконияташ маҳдуд аробачаи маъюбӣ супорида шуд
«САЙРИ ГУЛИ ЛОЛА». Суратгузориш аз Фурудгоҳи байналмилалии Хуҷанд манзур мегардад
Чор нафар бо гумони шарикӣ дар тирпаронӣ дар шаҳри Филаделфияи Амрико боздошт шуданд