Мулоқоти васеи ҳайатҳои Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид

Май 13, 2022 12:08

ДУШАНБЕ, 13.05.2022 /АМИТ «Ховар»/. Имрӯз дар доираи барномаи сафари расмии Раиси Сенати Парламенти Ҷумҳурии Қазоқистон муҳтарам Маулен Ашимбаев дар Ҷумҳурии Тоҷикистон музокироти васеи ҳайатҳои Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардида, зимни он маҷмӯи масъалаҳои ҳамкории шарикӣ ва робитаҳои байнипарламентии байни ду кишвари дӯст баррасӣ гардиданд. Дар ин бора ба АМИТ «Ховар» дар Маҷлиси миллии Маҷлиси Олии Ҷумҳурии Тоҷикистон хабар доданд.

Дар оғози мулоқот Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Раиси Сенати Парламенти Ҷумҳурии Қазоқистон муҳтарам Маулен Ашимбаевро ба Ҷумҳурии Тоҷикистон хайрамақдам гуфтанд.

Дар мулоқот изҳори  қаноатмандӣ карда шуд, ки муносибатҳои байнидавлатии муосири Тоҷикистон ва Қазоқистон тавассути саъю талоши роҳбарони ду давлат сатҳи шарикии стратегӣ касб намудаанд. Зикр гардид, ки заминаи васеи шартномавию ҳуқуқӣ ва муколамаи доимии сиёсӣ, аз ҷумла дар сатҳи парламентҳо ба ин раванд мусоидат намуд. 
Зимни музокирот вазъи кунунии робитаҳои байнипарламентӣ ва дурнамои рушди муносибатҳои ҳамкорӣ бо Сенати Парламенти Қазоқистон дар ҳошияи баргузор гардидани нахустин ҷаласаи Комиссияи доимамалкунандаи ҳамкорӣ миёни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон ба таври муфассал муҳокима гардид.

Иттилоъ дода шуд, ки ҷонибҳо оид ба рушду густариши муносибатҳои ду кишвар дар бахшҳои тиҷоративу иқтисодӣ, фарҳангию гуманитарӣ ва ҳарбиву техникӣ табодули назар карданд.


Зикр гардид, ки ҳаҷми гардиши мол миёни ду кишвар аз рӯи натиҷаҳои соли 2021 ба андозаи 30 фоиз афзуда, ба 1,1 миллиард доллари ИМА баробар шуд.

Дар ин замина Рустами Эмомалӣ таваҷҷуҳи ҳамтои худро ба тавсеаи ҳамкорӣ дар бахшҳои сармоягузорӣ, амалигардонии лоиҳаҳо дар минтақаҳои озоди иқтисодии Тоҷикистон ва мусоидат ба таъмини иҷрои саривақтии қарорҳои Комиссияи байниҳукуматӣ оид ба ҳамкории тиҷоративу иқтисодӣ ҷалб намуданд.

Дар робита ба мавзӯи таъмини амнияти минтақавӣ, бахусус вазъи мураккаби Афғонистон идомаи ҳамкории босамари кишварҳо дар бахши ҳарбию техникӣ зарур шуморида шуд.

Зимни мулоқоти ҷонибҳо таъкид гардид, ки ҷониби Тоҷикистон ба ҳамкорӣ бо парламенти Қазоқистон дар чаҳорчӯби сиғаҳои бисёрҷониба, бахусус Ассамблеяи Байнипарламентии Иттиҳоди Давлатҳои Мустақил ва Ассамблеяи Парламентии Созмони Аҳдномаи амнияти дастҷамъӣ, инчунин Иттиҳоди байнипарламентӣ ва Ассамблеяи парламентии Созмони амният ва ҳамкорӣ дар Аврупо аҳамияти хосса дода, ҷонибдори тақвият бахшидани онҳо мебошад.


Изҳори боварӣ карда шуд, ки сафари расмии роҳбарияти Сенати Парламенти Ҷумҳурии Қазоқистон ба Ҷумҳурии Тоҷикистон ва музокироти имрӯза барои таҳкиму густариши муносибатҳои дӯстона ва мутақобилан судманди байни кишварҳои мо саҳми арзанда мегузорад.

Баъд аз музокироти ҳайатҳои васеъ Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Сенати Парламенти Ҷумҳурии Қазоқистон муҳтарам Маулен Ашимбаев мулоқоти хосса анҷом доданд.

Дар мулоқот ҳолат ва дурнамои муносибатҳои дӯстонаи Тоҷикистон ва Қазоқистон дар самтҳои афзалиятнок ва ҳамзамон робитаҳои байнипарламентӣ баррасӣ шуданд. Ҷонибҳо аз рушди бемайлон ва густариши маҷмӯи муносибатҳои дӯстиву шарикии стратегӣ ва ҳамкории байнипарламентии Тоҷикистон ва Қазоқистон изҳори қаноатмандӣ намуданд.


Зимни баррасии ҳолати ҳамкории байнипарламентӣ оид ба фаъолияти палатаҳои болоии парламентҳои ду кишвар дар қолаби минтақавию байналмилалӣ табодули андеша карда шуд.

Масъалаҳои ҳамкорӣ дар бахшҳои тиҷорату иқтисод, маорифу фарҳанг ва низомиву амниятӣ аз мавзӯъҳои муҳими мулоқот маҳсуб ёфта, ҷонибҳо фаъолияти пурсамари Комиссияи байниҳукуматӣ оид ба ҳамкории иқтисодӣ ва баргузории ҷаласаи якуми Комиссияи доимии ҳамкорӣ миёни Маҷлиси миллӣ ва Сенати Парламентро махсус зикр карданд.

АКС: Тоҳир САИДОВ/АМИТ «Ховар»

Май 13, 2022 12:08

Хабарҳои дигари ин бахш

Маҳмадтоир Зокирзода ва Маулен Ашимбаев ҳамкории байнипарламентии Тоҷикистон ва Қазоқистонро баррасӣ намуданд
Ҷаласаи якуми Комиссияи доимӣ оид ба ҳамкорӣ миёни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид
Раиси Сенати Парламенти Ҷумҳурии Қазоқистон дар пояи муҷассамаи Исмоили Сомонӣ гулчанбар гузошт
Вакилони Маҷлиси намояндагон дар кори ҷаласаи ҳайатҳои парлумонии Тоҷикистон ва Иттиҳоди Аврупо дар Брюссел иштирок намуданд
Ҳайати вакилони Маҷлиси намояндагони Маҷлиси Олии Ҷумҳурии Тоҷикистон ба Брюссел сафар намуд
Раиси Сенати Парламенти Ҷумҳурии Қазоқистон Маулен Ашимбаев бо сафари расмӣ ба Душанбе омад
Ҷаласаи Комиссияи доимии Ассамблеяи байнипарлумонии ИДМ оид ба сиёсати аграрӣ, захираҳои табиӣ ва экологӣ доир гардид
Вакили Маҷлиси намояндагон Гулбаҳор Назирӣ дар ҳамоиши Созмони умумиҷаҳонии савдо иштирок намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Туркманистон Сердар Бердимуҳамедов мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Форуми байнипарламентӣ иштирок карданд
Идомаи сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Туркманистон
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси миллии Генгеши Туркманистон мулоқот намуданд