Тоҷикистон ва Узбекистон таҳкими ҳамкориро дар соҳаи ҳифзи муҳити зист баррасӣ карданд
ДУШАНБЕ, 27.05.2022 /АМИТ «Ховар»/. 25 май дар шаҳри Тошканд Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо раиси Кумитаи давлатии экология ва ҳифзи муҳити зисти Ҷумҳурии Узбекистон Нарзулло Обломуродов мулоқот намуд.
Тавре АМИТ «Ховар» бо истинод ба Кумитаи ҳифзи муҳити зист хабар медиҳад, ҷонибҳо масъалаҳои марбут ба таҳкими ҳамкорӣ ва дурнамои рушди онро дар соҳаи ҳифзи муҳити зист муҳокима намуданд.
Мавриди зикр аст, ки ҳайати Тоҷикистон таҳти роҳбарии Раиси Кумитаи ҳифзи муҳтти зисти назди Ҳукумати Ҷумҳурии Тоҷикистон Баҳодур Шерализода бо мақсади иштирок дар нишасти роҳбарони мақомоти ҳифзи муҳити зисти давлатҳои СҲШ дар Ҷумҳурии Узбекистон қарор дорад.
Интизор меравад, ки дар нишасти Тошканд роҷеъ ба роҳҳои густариши ҳамкорӣ дар бахшҳои муҳим, аз қабили мониторинги муҳити зист, гуногунии биологӣ, ҳифзи манотиқи табиӣ, рафъи таъсири тағйирёбии иқлим, ҳамкории илмию техникӣ, идораи партовҳои сахт ва рушди тавонмандӣ, баланд бардоштани иқтидори мутахассисон табодули афкор сурат гирад.
Инчунин дар анҷоми ҷаласаи вазирони ҳифзи муҳити зисти кишварҳои узви СҲШ тасдиқи Барномаи муштараки таъсиси Платформаи ягонаи табодули иттилооти экологии СҲШ дар назар аст.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид
Татбиқи тарҳи «Тақвияти бахши молиявӣ дар Тоҷикистон» баррасӣ гардид
Байни ширкатҳои сайёҳии Тоҷикистон ва Қазони Федератсияи Русия шартномаи ҳамкорӣ ба имзо расид
