ФУТБОЛ. Маросими қуръакашии Ҷоми Тоҷикистон-2022 баргузор шуд

ДУШАНБЕ, 18.06.2022 /АМИТ «Ховар»/. 17 июн дар меҳмонхонаи «Румӣ»-и шаҳри Душанбе маросими қуръакашии марҳилаи асосии Ҷоми Тоҷикистон-2022 оид ба футбол баргузор шуд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Тибқи натоиҷи қуръакашӣ дар бозиҳои даври 1/8 ниҳоии Ҷоми Тоҷикистон-2022, ки рӯзҳои 6 ва 7 август баргузор мешаванд, «Истиқлол» – «Моҳир», «Равшан» (Кӯлоб) – «Равшан» (Зафаробод), «Эсхата» – «Ҳосилот», «Регар-ТадАЗ» – КМВА, «Саройкамар» – «Ҳулбук», «Хатлон» – «Истаравшан», «Динамо» – «Файзканд» ва «Куктош» – «Хуҷанд» бо ҳам вомехӯранд.

Мисли соли гузашта бозиҳои даври 1/8 ва 1/4 ниҳоии Ҷоми Тоҷикистон аз як бозигӣ ва ниманиҳоӣ аз ду бозигӣ (дар хона ва сафар) иборат мебошанд.

Бояд гуфт, ки барандаи Ҷоми Тоҷикистон-2022 ҳуқуқи муаррифии кишвари моро дар Ҷоми КФО-2023/2024 ба даст меорад. Агар қаҳрамон ё ноибқаҳрамони Тоҷикистон  соҳиби Ҷоми кишвар шавад, пас барандаи медали биринҷии Лигаи олии Тоҷикистон дар мавсими оянда дар Ҷоми КФО ширкат хоҳад кард.

Ҷоми Тоҷикистон-2022 

1/8 ниҳоӣ 

6-7 август (шанбе, якшанбе)

«Истиқлол» (Душанбе) – «Моҳир» (Ёвон)

«Равшан» (Кӯлоб) – «Равшан» (Зафаробод)

«Эсхата» (Хуҷанд) – «Ҳосилот» (Фархор)

«Регар-ТадАЗ» (Турсунзода) – КМВА (Душанбе)

«Саройкамар» (Панҷ) – «Ҳулбук» (Восеъ)

«Хатлон» (Бохтар) – «Истаравшан» (Истаравшан)

«Динамо» (Душанбе) – «Файзканд» (Восеъ)

«Куктош» (Рӯдакӣ) – «Хуҷанд» (Хуҷанд)

Акс: ФФТ