ҶОМИ КФО-2022. Имрӯз КМВА-и Душанбе бо дастаи «Суғдиёна»-и Узбекистон бозӣ мекунад

Июнь 27, 2022 09:17

ДУШАНБЕ, 27.06.2022 /АМИТ «Ховар»/.  Имрӯз, 27 июн дар минтақаи марказӣ даври бозиҳои дуюми марҳилаи гурӯҳии Ҷоми КФО-2022 баргузор мегардад. Дар ин бора ба АМИТ «Ховар» дар Федератсияи футболи Тоҷикистон хабар доданд.

Дар ин давр,  дар гурӯҳи «Е» дастаи КМВА–и Душанбе бо бозингарони «Суғдиёна» -и Узбекистон қувваозмоӣ мекунад.

Ёдовар мешавем, ки дар бозии нахустинаш дар марҳилаи гурӯҳии Ҷоми AFC-2022 дар чоргонаи «Е», барандаи медали биринҷии мусобиқоти Чемпионати футболи Тоҷикистон байни дастаҳои Лигаи олӣ КМВА-и Душанбе бо қаҳрамони Туркманистон «Алтин Асир»-и Ашқобод (1:1) мусовӣ кард.

Ҳарду голро дар ин бозӣ футболбозони дастаи КМВА ба  нишон  расониданд. Дар дақиқаи 85-ум ҳамлагари КВМА Элчибек Рашидбеков тўбро ба дарвозаи худаш зад. Абдулло Шарифов дар дақиқаи 90+3 ҳисобро мусовӣ кард.

Дар бозии дигари гурӯҳи «Е», ноиб-чемпиони Узбекистон, «Суғдиёна»-и Ҷиззах барандаи Ҷоми Қирғизистонро дар мавсими гузашта бар тими «Нефтчӣ»-и қӯчқор-аторо бо ҳисоби 2:0 мағлуб кард.

Дар гурӯҳи «Е» барои роҳхати ягонаи даври баъдӣ бо барандаи медали биринҷии чемпионати Тоҷикистон КМВА-и Душанбе бошгоҳҳои «Суғдиёна» (Узбекистон), «Алтин Асир» (Туркманистон) ва «Нефтчӣ» (Қирғизистон) мубориза мебарад. Ҳамаи бозиҳо дар ин чаҳоргона дар Варзишгоҳи марказии шаҳри Душанбе баргузор мешаванд.

Ҷоми КФО- 2022

Минтақаи марказӣ

Гурӯҳи «Е»

Иштирокчиён: «Суғдиёна» (Узбекистон), КМВА (ТОҶИКИСТОН), «Алтин Асир» (Туркманистон), «Нефтчӣ» (Қирғизистон).

Даври 1

24 июн (ҷумъа)

19:00 – «Суғдиёна» (Узбекистон) – «Нефтчӣ» (Қирғизистон) — 2:0

22:00 – «Алтин Асир» (Туркманистон) – КМВА (ТОҶИКИСТОН) – 1:1

Даври 2

27 июн (душанбе)

19:00 – «Нефтчӣ» (Қирғизистон) – «Алтин Асир» (Туркманистон)

22:00 – КМВА (ТОҶИКИСТОН) – «Суғдиён» (Узбекистон)

Даври 3

30 июн (панҷшанбе)

19:00 – «Суғдиёна» (Узбекистон) – «Алтин Асир» (Туркманистон)

22:00 – КМВА (ТОҶИКИСТОН) – «Нефтчӣ» (Қирғизистон).

Акс: ФФТ

Июнь 27, 2022 09:17

Хабарҳои дигари ин бахш

Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард